聞雞起舞春意盎然

踏入雞年,大家最希望梗係樣樣都咁醒神,收錢收到手軟!講起雞,其實同佢有關嘅情色俚語和人氣AV都有唔少,一於趁住新一年,同大家介紹雞與Cock有關嘅詞語,等大家喜氣洋洋過雞年。

情色俚語:Cock 雞雞花名

喺英文世界中,暗指陽具嘅英文有好多,只係大家知唔知「Cock」點解會係其中之一個最早出現嘅花名呢?據講,Cock源自拉丁文嘅「Coco」,佢嘅原意並唔係指公雞,而係指一種頭部帶冠狀嘅烏鴉。及至15世紀英國,由於當時嘅水龍頭款式好鍾意製成雀鳥頭部形狀,因此從呢個時候開始,佢變咗做水龍頭嘅代名詞。因為佢同男士嘅兵器一樣會噴出水,所以喺18世紀末,開始有人用佢嚟暗喻男士嘅兵器,可說是最早出現同陽具有關嘅花名。

玩樂辭典:Cock Ring 公雞之環

講到最多人認識嘅男性情趣玩具,「Cock Ring」(公雞環)一定榜上有名。其實佢最初同公雞一啲關係都冇,「Cock Ring」正式係叫做陰莖環,用法係套於兵器根部,用以讓兵器硬直後,減慢血液流出陰莖組織,從而延長硬直嘅時間,另外亦用於幫助有勃起困難嘅男士。最早嘅陰莖環採用山羊眼圈,連同上及下眼睫毛割出嚟,烘乾及消毒後製成,因此又稱為「羊眼圈」。雖然其後採用其他物料製造,但仍沿用「羊眼圈」之名。至於佢最早幾時出現,至今仍未有一個確實時間,有人認為早喺中國晉朝就有記載,其後喺宋朝開始盛行,明朝奇書《金瓶梅》亦有出現呢個環。

玩樂四仔系列:《Spin On My Cock》 旋轉公雞

劇情怪雞嘅鹹片唔單止日本AV有,美國嘅四仔亦有唔少,好似呢套由四仔片廠Lethal Hardcore喺2010年9月推出嘅《Spin On My Cock》就係怪雞之作。呢套四仔直譯戲名叫做「旋轉我的公雞」,而「公雞」我哋知係男士嘅兵器,只係旋轉又係乜嘢意思呢?呢套由四仔導演Chucky Sleaze執導,並搵嚟當時啱啱出道嘅美艷脫星April O'Neil擔綱演出嘅作品,故事講述April飾演嘅女僕,喺執拾女主人閨房時,發現圓枱上伸出一支神秘棒棒。好奇心驅使下,佢對棒棒又乜又物,結果棒棒竟發射升空!慾火高漲嘅April決定同棒棒曳曳,卻發現棒棒嘅真身,竟然出乎意料之外。呢套四仔憑住怪雞劇情,不但喺2011年AVN頒獎禮中,獲得最佳特別題材作品嘅提名,April亦獲得最佳新進脫星嘅提名。

日本AV系列:三上悠亞 扮雞賀年

近年唔少日本AV女優積極到內地發展,喺去年做出超卓成績嘅女優三上悠亞,又點會例外呢?早前佢喺個人twitter上載穿着雞形人偶服同大家拜年。焦點唔在於佢有幾可愛,而係佢其中一張開胸相,露出胸前深溝,認真養眼!其實呢位喺2014年退團嘅前SKE48成員,當時以鬼頭桃菜之名進軍日本樂壇,憑住33F嘅激凸上圍迷倒唔少男士。2015年5月1日佢喺周刊以一輯裸體寫真相,再次出現喺大家視線時,即時引嚟極大哄動,同時傳出佢將於AV界出道嘅消息。同年6月1日AV片廠MUTEKI推出藝名三上悠亞嘅處女AV作《Princess Peach》,更成為AV銷量排行榜嘅冠軍。繼去年DMM成人影片頒獎禮連奪三獎後,佢喺下個月舉行嘅Sky PerfecTV成人放送大賞中,又獲得新人女優獎及最佳作品獎提名,呼聲極高嘅佢極有可能連奪兩獎。

撰文:魂