以前見到松島楓為圓男友導演夢而下海拍AV，嗰種癡心不知令幾多男士「葡萄」不已。然而，家陣有台灣未成年少女，為咗圓男友買樓同創業夢，竟然走去賣淫，真係傻得交關，亦令人感到憤怒！
內地嘅VR（虛擬實境）市場潛力，近年一直被各方面吹捧，因此有唔少商家都睇準呢個仍有待開發嘅市場，之但係VR同內地夜遊業又有乜嘢關係呢？兩者關係原來可以好大。須知道內地網購嘅VR眼罩價錢有平有貴，貴至千幾銀，平到百幾蚊有交易，所以成本唔高，有部分店家仲會送埋「愛情動作片」，真係即買即戴即睇片，加埋夠晒私隱性，不知幾咁方便。有夜場就睇中有得睇片，於是計劃推出VR服務，等玩家睇到(興)合合時，跟住就搵囡囡曳曳。呢種玩法係就係過癮，但係究竟成效有幾大，同埋投放喺買電腦及網絡嘅資源又要幾多錢呢？咁就真係等佢哋自己計喇！
女性之所以為娼嘅目的得一個，原因卻係有好多，當中最愚蠢嘅，就係賣肉搵錢幫男友圓夢。呢啲男人要靠女人食軟飯，認真賤格，奈何女人有時就係蠢到加零一。話說台灣一位16歲未成年少女跟高姓男友同居，由於男方冇錢畀房租，又想買車、買樓同開舖頭，少女竟主動提議賣淫賺錢幫男友圓夢，而男方不但冇阻止，更立即搵應召站，佢同應召站達成工作協議，就係少女喺工作前一晚，需要喺工作地留宿，結果喺一年內，少女共賣淫達1,165次，共獲得約264萬元新台幣（約66萬港元）嘅肉金。由於少女未成年關係，故此當警方查獲時逮捕高男，而法庭將高男從少女身上所得嘅132萬元新台幣（約33萬港元）充公，同時判3年半有期徒刑及罰款20萬元新台幣（約5萬港元）。坦白講，算判得輕呀！
日本有種相當特別嘅「Onani」風俗店，所謂「Onani」，即係自娛咁解。不過大家唔好以為係風俗孃提供服務，讓玩家發射升空，而係玩家畀錢風俗孃，要對方睇住自己自娛咋。雖然呢種服務夠騎呢，但由於價錢平，平均20分鐘嘅收費不過係4,000日圓（約264港元），故此吸引唔少貪平玩家捧場。既然係咁，呢間位於新宿嘅自娛風俗店「露出Club」，佢嘅服務又有幾特別呢？原來佢最近推出一個優惠套餐，玩家唔再自己玩咁孤單，只要每20分鐘畀6,000日圓（約港396港元），風俗孃就會主動出手，不過唔係為玩家提供手作仔服務，而係同玩家一齊自娛！冇錯，即係你睇我自娛我睇番你捽碟！聽起嚟幾香艷，難怪服務一推出即獲得大回響。據風俗孃透露，玩家主要係35至45歲，最旺場一晚要自娛8次。佢哋又稱為咗保持狀態，令表演更加吸引，每日返到屋企都會練習一番。
撰文：魂