睇得多脫星成功秘技，其實你會發現係「倒模」！今日又有一位，女神Dani Daniels推出個人品牌賣胸圍底褲，最快春季有售。至於老牌四仔廠就同街牌聯乘出衫褲鞋襪，唔使風水佬預測，都可以肯定今年從事色情行業嘅會大賺特賺呀！
近年色情潮流走勢，先有英國情趣用品網Love Honey同美國品牌「tokidoki」聯乘出震蛋，再嚟脫星Asa Akira出香薰按摩蠟燭喪賣，今日新鮮熱辣輪到女神Dani Daniels出個人品牌「Dani Daniels」賣胸圍底褲，連Logo設計都係自己個名「DD」外面再加個心心，冧死女囉！阿妹早前喺個人網誌表示，現正製作中，今個春季有售，先推出3種顏色，每款數量有限，視乎市場反應再大量投產喎！女神話多年嚟都想擁有BDSM味濃嘅內衣，既性感又不失大體，無奈市場上一直欠缺呢類內衣，於是佢決定自己做，由設計到生產過程，阿妹都瞓身參與，連揀喱士都要經過佢審查，好明顯Model一定由Dani自己做番，而寫真則由合作無間嘅知名四仔女攝影師Holly Randall負責拍攝，雖然阿妹嘅官網只得幾張預覽圖，但都夠粉絲睇到扯晒火喇！
自女神喺Twitter及IG發布賣內衣消息後，經已有3,000多人Like，到正式發售，唔瘋搶有鬼！女神賣內衣當然有好冇壞，亦係預計之內，事關要為前途鋪路，他日退下火線都財來自有方嘛，即使男神James Deen一樣係咁出自家「熊貓」Tee，而下一位睇怕係「籮霸」Alexis Texas，大家拭目以待！
先前話從事色情行業嚟緊會大賺唔係亂吹，有能力嘅脫星就建立個人品牌，咁啲老牌四仔廠咪惟有玩聯乘囉！最近Penthouse就同美國街牌HUF合作推出一系列衫褲鞋襪，依家喺網站發售，而聯乘款式同普通產品售價都冇乜差別，換句說話即係好抵買？Like嘅咪抵買囉，而細佬只係貪廣告Model由索到爆嘅脫星Kenna James擔任啫！
而Penthouse CEO Kelly Holland 接受AVN網站訪問時話一個係時尚品牌，一個係街頭品牌，兩者撞擊除咗擦出新火花外，更深層意義畀話係大家知Penthouse係與時並進，每個年代都咁潮喎！係咪潮巴打自己上HUF官網（目及）（目及），但除咗滑板有露點，對襪有露點Print，其餘產品一點不露，咁Penthouse仲係咪Penthouse呢？係，連CEO都話係時尚品牌，唔係色情品牌喎！
撰文：祖