日本漢字能力檢定協會每年會向全日本徵集一個代表該年世態同人們感受嘅漢字，並稱之為「今年的漢字」，上年就以「金」字排名第一，不過細看排行榜，原來頭十位仲有「變」、「驚」、「亂」等。如果要選過去一年情慾界嘅年度「字裏淫間」，細心思量後覺得亂同Mess最具代表性。
翻開字典會發現「Mess」解作混亂，原來喺上世紀90年代，佢仲有另一層意思，就係發射咁解。發射啲乜嘢？男士高潮時嘅發射反應是也，引伸出呢個意思嘅原因有好多，最多人認同嘅係男士發射一刻，精神會變得混亂，故此得到呢個意思。講到男士高潮發射，大家又知唔知男人一生平均發射次數有幾多呢？根據美國《男士健康》雜誌，一個對超過一萬名男性嘅大規模研究發現，男人一生平均發射嘅次數約7,000次。不過大家要留意，呢個只係成個研究嘅平均數，結果只能作為參考。
「Mess Around」係一個動詞，意思係指亂搞男女關係，文雅啲講即係鬼混咁解。不過運用呢個詞語時要小心，事關佢所指嘅鬼混並非指做愛，而係指比接吻更進一步嘅身體接觸，可以係吹奏或重要部位隔住褲嚟接觸。例句：We were messing around in a car when a security guard knocked on the window.（當保安員敲車窗時，我哋正喺車廂內鬼混。）不過大家運用呢個詞語時要留意，「Mess Around」亦可解做開玩笑。例句：Don't get angry, I was just messing around.（唔好嬲嬲豬，我只不過喺度開玩笑。）
咪以為美國四仔只係識一味搞搞震，查實當中唔少作品有劇情又有橋，好似呢套由美國四仔片廠Sweet Mess Films喺2012年11月底推出嘅《Breaking Bad XXX》，就以笑聲加叫床聲，喺多個四仔頒獎禮中獲得提名。呢套由著名導演David Lord執導，並搵嚟Lexi Belle、Tasha Reign、Kimberly Kane等紅極一時脫星演出嘅勁作，真係冇人估得到竟然係套喜劇！故事講述喺美國某處，由於製作四仔係違法嘅關係，故此Walter White同老友諗住偵破一個四仔拍攝兼製作工場。點知佢哋衝入工場卻發現，當中嘅女演員Jessie不但係兩人嘅朋友，對方仲色誘兩人嚟個床上三人行。莫名其妙上咗床兼演埋四仔嘅兩人，最終下場會係點呢？作品分別喺2013年嘅Sex Awards、Nightmoves同XRCO，以及2014年嘅AVN頒獎禮中，獲得年度最佳四仔喜劇嘅提名。
回顧過去一年日本AV界，有一單被台灣AV達人一劍浣春秋，稱為「藤原之亂」嘅事件，作為AV迷絕對唔可以唔知。去年6月中，日本警方突擊搜查AV界大型經理人公司「Marks Group」，並當場逮捕前社長及職員等3人，同時仲有兩間片廠被查。事緣6月初時，警方接獲某前AV女優舉報，話自己因誤簽含有AV魔鬼條款嘅合約，於是被經理人公司逼拍AV，而涉案公司就係「Marks Group」。當時「Marks Group」旗下女優彩美旬果、丘咲愛蜜莉、大槻響等都力撐公司，稱冇人逼過佢哋演出，而初美沙希則爆料指，報案女優其實係因為識咗男友，卻被對方發現佢係AV女優，於是只好謊稱被迫，而男友聞言就向警方告發，同時要求將女友嘅AV下架。涉谷系女優AIKA更踢爆，案中女優就係藤原瞳！縱然如此，「Marks Group」最後仍決定解散，而AV界嘅女優新人招募工作亦停頓下來。其後AV經理人界擬定守則及罰則，希望杜絕有關情況再次出現，「Marks Group」嘅前社長喺8月底獲釋後，9月初宣布組成新經理人公司「Team Linx」。
撰文：魂