好多個人習慣都對身體健康有影響，早前就有專家表示飲汽水太多以及用錯潤滑劑（KY）都會影響到精子質量。一個人睇鹹片係一種樂趣，早前喺寧波一個大型購物中心就有好多人公開睇鹹片，點解呢？老公背妻偷食，所謂天網恢恢，總有穿煲嘅一日，唔知老婆從咩途徑發現蛛絲馬迹？
不論係老父定係師傅，都成日告誡小弟做男人一定要好好保障生理健康，一來能夠帶畀女伴床上歡愉乃係鞏固關係嘅關鍵之一，二來不孝有三，無後為大，唔能夠為家族傳宗接代點對得住列祖列宗！最近，美國堪薩斯大學嘅泌尿科教授Ajay Nangia表示，男士們如果想維持生理健康，以及增加做爸爸嘅機會要注意以下幾點喇！第一唔好飲得太多糖分含量高嘅汽水，因為會影響精子嘅活躍度，令精子更難游到去卵子位置，至於啤酒亦要少飲，因為啤酒含有嘅雌激素會抑制睾固酮，降低男士雄風。喺床上習慣使用潤滑劑，亦即係KY嘅朋友要注意，當中含有鹽酸成分，有殺精效果。充足嘅睡眠對於維持體內睾固酮有重要作用，教授話男士如果瞓少於6小時，令女伴懷孕嘅機會就會減少31%。最後，教授話壓力同樣會削弱精子質素以及令睾固酮水平下降，所以叫大家保持心情開朗，唔好畀咁多壓力自己。
通常鹹片都係一個人喺屋企睇至夠過癮，當然，亦有人會同伴侶一齊睇，但係小弟就唔贊成，其一係女仔多數都唔識欣賞鹹片，其二就係有女伴在側，睇鹹片一定唔專心，唔專心就唔投入，唔投入又點過癮呢？講真一句，好多男人睇鹹片其實都係為咗滿足自己嘅性幻想，幻想同當中嘅女優「親密」一番，暫時逃離現實，但係見到身邊嘅女伴同女優不論係樣貌、身材定係招呼都分別甚大，幻想即時破滅啦！不過話時話，一個人睇鹹片如此好玩，唔知公開睇感覺又會點呢？小弟就感受唔到，但係早前內地寧波嘅市民就有呢種特殊享受喇！話說上個月28日寧波某大型商場一個戶外巨型屏幕，原本處理維修中，但係唔知點解突然播出一套AV，而且仲要係無格仔嘅四級AV添！雖然消息冇提及播咗幾耐，但係就話好多人都睇到女優自摸雙峰，相信至少都有十數分鐘時間。據悉屏幕公然播放AV同場內保安人員有關，可能係因為當時保安人員睇緊鹹片而唔小心駁咗去個屏幕喎。
一個人兩條心唔算多，當然小弟我都唔贊成已婚人士去偷食，但唔錯都錯咗，可以點呢？梗係快快脆脆斬纜，返屋企對老婆好啲啦！之不過，老公有心改過，老婆又有冇心原諒就真係天曉得喇。至於老婆點樣發現老公出軌呢？早前日本有一個相關調查，訪問咗100位年齡介乎20至50歲嘅已婚婦女，當中有47%曾經發現老公出軌，而呢班婦女當中，有53%係透過檢查老公部手機嘅相片又或者係短訊紀錄而發現。其次，有21.3%受訪婦女表示從老公收到女性寄來嘅郵件同打嚟嘅電話發現，乜咁唔小心呀！叫小三打電話去公司搵自己，寄郵件去公司嘛！最後，有8.5%受訪婦女話係老公自己爆響口嘅！
撰文：賢