用網絡聊天程式溝女已經成為一個大趨勢，早前有調查發現有人只係Send咗10句訊息，就成功約到對方發生一夜情。究竟有咩原因令人缺乏性趣呢？原來有3個因素。
小弟生性內向又怕醜，對住女仔說話因為緊張而搞到口窒窒，所以小弟咁多年來溝唔到女係有原因嘅。好彩依家可以透過不同嘅聊天程式溝女，發揮鍵盤戰士本色，同心儀嘅女仔暢所欲言，當大家熟落後，到見面嘅時候就自然冇咁緊張。根據性學雜誌《Archives of Sexual Behaviour》表示，有調查指出透過各種聊天程式發展一夜情嘅人愈來愈多，有38%千禧年後出生嘅年輕人會用聊天程式約女仔一夜情，至於年紀較佢哋大嘅年輕人當中亦有25%會咁做。心理學家Belisa Vranich博士就話聊天程式令年輕人上床更加方便、更加快捷，唔少人只係同對方交流咗10句訊息就已經「成事」，博士表示用少過10句嘅佢都見過添！不過，雖然係方便快捷，但係呢班年輕人嘅性伴侶數目就冇明顯增加，博士解釋話家陣年輕人少咗飲酒亂性，亦注意床上安全，故即使係一心玩一夜情亦唔會亂咁嚟。
早前小弟去日本旅遊，期間相約長居當地嘅一位老朋友食飯，席間個衰仔表示已經辦好離婚手續，正當我為佢感到傷感之際，佢就話已經準備再婚，真係唔知好嬲定好笑！佢表示離婚原因之一，係佢哋兩公婆結婚不久就進入無性狀態，咁到底係邊個唔想上床而搞成咁呢？老實講，要維持一段關係，除咗要有愛，性亦相當重要，早前外國有研究搵嚟一批男女協助，將佢哋分為兩組，一組喺一段日子內保持正常做愛次數，另一組則進行比往常多兩倍次數嘅性愛，結果發現後者嘅快樂指數較高。心理學博士Susan Whitbourne表示性愛如此重要，但係就有好多人缺乏性趣，原因主要有3個，第一係嫌麻煩，家陣情趣用品款式多，色情資訊又豐富，女性以震蛋自娛已達至高潮，而男士亦可能會揀睇鹹片自娛；第二係婚前性伴侶太多，而婚後嘅性愛質素、交流質素以及關係穩定程度都會較低；第三就係未能夠撻着對方，博士話要令對方慾火上升，可以多攬攬錫錫，透過身貼身嘅接觸以及充滿濃情蜜意嘅態度，往往可以將對方撻着。
撰文：賢