香港人好鍾意食魚蛋，至於肉彈絕對係男士至愛，而肉彈同魚蛋一樣，要深得人心，一定要脹卜卜夠飽滿圓潤，仲要彈力十足！咁優質嘅魚蛋我就唔知喺邊度食得到喇，但係超級優質嘅肉彈我就可以介紹畀大家欣賞，請大家擦亮眼睛欣賞一下柳瀬早紀以及橘花凜啦！
社會一代比一代進步，人類嘅智力亦一代比一代高，好似小弟嘅姪女咁，5歲人仔就已經識得畫四格漫畫，仲識解釋古仔畀我聽，諗起小弟5歲嘅時候仲係一舊飯，真係自愧不如。而喺日本寫真界，女優亦一代比一代優秀，我所指嘅係身材方面，以往擁有極品爆乳嘅女優如松金洋子、優香、根本春美等，上圍最多都係去到H奶，但係家陣就唔同喇，好多女優已經去到I Cup，好似青山光以及近期人氣直線上升嘅柳瀬早紀就係最佳人辦。
早紀面孔一派和善溫文，睇落似鄰家少女咁可愛及平易近人，不過講到身材就「胸」猛之極，阿妹有一對40吋I Cup爆乳，每一邊體積都大過人頭，而早紀憑住呢對超級肉彈橫掃寫真界！喺最新寫真映像作品《甘いふくらみ》中，早紀放肆地夾胸倒奶，以及喺陽光底下跑跑跳跳，做出多種動作讓大家睇清楚其I奶幾有質感，絕對係天然之物！另外，早紀玩埋啜珍寶珠增添視覺誘惑，睇到人好想啜埋一份呀！
碟名：《甘いふくらみ》
收錄時間：107分鐘
售價：約HK$307
要數當今日本寫真界王者，我相信一定非原幹惠莫屬，阿妹能夠長時間保持良好狀態，令每部寫真作品都充滿個人魅力，發揮出亮眼表演，王者地位認真無人代替！雖然無可替代，但係就有個接班人，呢位就係樣子同身材都同原幹惠好相似嘅橘花凜喇！
今年26歲嘅橘花樣子綺麗，五官迷人，正統派美貌同原幹惠一樣咁有吸引力以及治愈力。橘花凜亦同師姐一樣身材激凸且帶健美感，曲線玲瓏加上一對H Cup大肉彈，胴體誘人程度屬頂班級數。《助けて、ダーリン》係橘花凜嘅最新力作，當中阿妹嘅演出以發揮治愈效果為主，全程阿妹對住鏡頭展露甜美笑容。當然橘花凜身材如此驕人，梗係會大露酥胸兼且狂玩倒奶同乳搖，再玩埋沙灘波，實行以「波」會友！另外，橘花凜仲有大膽演出，就係嚟個裸背側身露波邊喇！師姐原幹惠都未咁玩過，橘花凜今次真係青出於藍喇！
碟名：《助けて、ダーリン》
收錄時間：107分鐘
售價：約HK$307
撰文：賢