正所謂施比受更為有福，能夠成為一個施惠者，證明你有番咁上下能力，自信梗係會強啲啦！如果大家想喺女士們面前顯得更加有吸引力，咁就唔好畀佢停，繼續做多啲善事發揚善心喇！紐約州立大學奧爾巴尼分校早前進行過一項研究，以了解伴侶有咩條件會令女方上床時更加愉快同興奮。研究結果發現，毫無疑問經濟能力高以及靚仔係一個重要因素，但係人品亦係重要一環。人品即係乜呢？包括為人幽默以及有自信，充足幽默感能夠容易引女仔發笑，哄得佢哋開心自然覺得你吸引力大增。為人有自信心成個人睇落都特別威風、特別醒神，亦同樣增加吸引力。而研究負責人建議大家多做善事，因為咁做可以增加自信，《進化心理學雜誌》早前亦有調查發現，即使男仔唔多靚仔亦唔有錢，但係如果男仔喺女仔面前多做善事的話，相比起班帥哥，分數會更高，各位兄弟一齊共襄善舉喇！