好多人都甘於生活平淡，但係性生活最好就充滿刺激，咁點先夠刺激呢？男人成日都心邪，但有調查發現女士們生起邪念嘅次數亦唔少。飼養寵物可以增添生活樂趣，原來亦會令人嘅床上習慣同樣出現改變。
唔少朋友邀請我去主題樂園玩，不過每次都被小弟婉拒，原因係小弟年紀有番咁上下，受唔起刺激。之但係，床上嘅刺激，小弟就多多都受得起，亦相信唔少朋友都係咁諗。性學家Jessica O'Reilly建議大家如果想同伴侶尋找閨房刺激，令性戰不再乏味單調，不妨試吓玩角色扮演再加綑綁，一個扮高高在上，一個就扮被玩弄嘅一方，輪流做亦當然得啦。另外，Jessica話可以試吓交歡嘅時候玩自拍，研究鏡頭運用嘅時候，仲可以趁機會回一回氣，從而延長性戰時間，自拍時記得關咗流動數據傳送，過程中就唔會收到訊息阻頭阻勢，亦唔會手快快Send錯自拍照。專家仲話可以試埋震蛋，除咗刺激女伴，掉轉頭刺激男士亦得，大家交換刺激可以提升樂趣。
做人應該坦坦白白，唔需要花心思製造藉口掩飾自己嘅錯誤，又或者係興趣！冇錯，有好多人連自己嘅興趣都唔敢話畀人知，最常見嘅當然係睇AV啦！其實睇AV亦係一種娛樂，只要唔過分沉迷，又唔好有樣學樣就無傷大雅。至於點解鍾意睇AV呢？相信好多人都唔夠膽坦白承認因為自己鹹濕囉！之不過，男人多數都係鹹濕，而女士們亦一樣會心邪喎！早前就有一個外國調查發現，受訪男性平均每日生起34次淫念，至於受訪女性亦有18次咁多。最近，為女性計算生理期嘅手機程式Kindara亦做過一次類似嘅調查，發現受訪嘅500名成年女性當中，有75%表示每星期會有三次性衝動。另外，仲有過半數受訪女性表示現時嘅性需要得唔到滿足，更加有13%話至少每個星期交歡6次至夠喉，嘩！如果一日交歡一次，佢哋嘅男伴咪好似返工一樣每星期只得一日休息？
好多人鍾意養貓，唔少人話養貓之後生活起咗好大變化，要定時定候餵食以及清理貓隻排泄物之外，貓主人嘅父母初時大表不滿，但到頭來卻變成貓奴。早前，《進化心理學雜誌》發表咗一項研究結果，發現養貓除咗影響到飼養者嘅生活，對於佢哋嘅性生活亦有所影響。研究從斯洛伐克以及捷克搵來36,564位男女協助，結果發現養貓人士比起非養貓人士更加鍾意玩綑綁等一類SM玩意！負責研究嘅Denise Guastello表示當中嘅原因，可能係因為養貓人士容易從貓身上感染到弓形體病，呢種病令養貓者嘅性慾更容易被喚起，同時亦趨向尋找更重口味嘅床上刺激喎！
撰文：賢