峰倫依火辣平安夜

師傅教落做人應該要識得變通,唔變只會被時代淘汰。事實就擺在眼前,好多日本寫真女郎索到爆燈,但係演出風格十年如一日,因而漸漸被大眾遺忘,若果好似峰倫依咁識得變變變,以不同扮相嚟凸顯火辣身材及美貌,自然長撈長有啦!而今日有阿妹陪大家歡度平安夜,係咪好興奮呢?

長身冶艷

好多香港女仔都覺得一白遮三醜係吸引異性嘅硬道理,所以花費心思進行一系列美白工程,其實膚色偏黑亦有其吸引力,喺芸芸咁多白雪雪女仔當中表現出自己帶古銅色嘅肌膚,更顯鶴立雞群,正如日本寫真界咁,擁有雪白美肌嘅女優佔大多數,偶爾發現膚色偏黑嘅女優就令寫真迷大感驚艷,例如橋本梨菜、佐藤衣里子,以及今日為大家介紹嘅峰倫依。

現年30歲嘅峰倫依氣質冷艷而火辣,配合一頭清爽短髮更顯出其高傲冶艷嘅風格,予人第一印象未必好似可愛美少女咁討好,但係令人印象深刻難忘。講到高度,峰倫依喺日本寫真界算係高人一等,身高5呎7吋,高得嚟腰幼腿長,上圍亦有斤両十足嘅34D美乳,配合古銅膚色散發出攝人野性味道,深深吸引鍾意向高難度挑戰嘅男士。

大膽重口味

峰倫依喺2011年曝光率漸漸上升,工作以擔任賽車女郎為主,喺好多賽車場都可以見到峰倫依嘅身影,亦因為阿妹生得夠高,注目度亦一樣咁高。峰倫依除咗活躍於賽車場之外,亦係一位攝影會常客,有別於其他寫真女郎嘅地方,係峰倫依為配合自己嘅野性風格,打扮上亦比較大膽又重口味,經常以SM皮革裝登場,又或者扮豹妹,甚至索性只係以膠帶包裹身體,以多變又性感嘅形象為龍友帶來刺激嘅視覺享受!

峰倫依喺工作上亦相當百變,近期不時喺電視節目中化身成為公路暴走族驅車四圍去,一來為觀眾介紹不同景點,二來講解一下部車嘅性能。另外,峰倫依亦長期為一本釣魚雜誌做模特兒,同一班釣友出海享受釣魚樂趣,下次阿妹話唔定會玩埋駕駛小型飛機,實行作海陸空三路發展!

個人博客

簡介:峰倫依喺博客分享好多個人活動情況,當中多數都係攝影會,阿妹仲會將自己嘅性感照上載,吸引大家踴躍參加。

網址:http://ameblo.jp/norie0428/

峰倫依Profile

年齡:30歲

身高:5呎7吋

三圍:34D-23-33

撰文:賢