踏入年尾四仔迷特別忙，尤其追開歐美色情新聞嘅巴打，事關嚟緊有兩大頒獎禮外，仲有一大堆四仔廠乜乜乜選舉，總之每日上網都係女女女！咁多女睇晒佢仲使返工？醒目嘅梗係揀嚟睇啦，今日細佬幫你揀，鍾意睇乜自己對號入座喇！
年尾檔期係脫星選舉時間，用嚟總結年度最正脫星之餘，順度谷吓個人網站，低成本製作，宣傳效益大，何樂而不為呢？雖則啲乜乜選舉、每月之星係極無聊，之但係四仔迷有個重心，多個話題，查實又無妨嘅，今個月更係年度重點，各大小片廠都有搞自家選舉，細佬認為，值得留意嘅係女同大廠Girlsway嘅「Girl of the Year 2016」。點解？首先呢間廠由每年
1月至12月都有所謂「每月之星」選舉，報稱由網站會員公投得出結果，而12月之星係唔多人識嘅Reena Sky，阿妹有乜勁就唔好理，總之佢得獎，呢個月Girlsway都會喪谷一輪，而食住個勢，話唔定阿妹會攞埋總冠軍添！
除咗會員可以投票外，官方表示路過嘅網友都可以參與，只不過係分數同會員有別，會員一票等於5分，非會員就係1分，至於邊個脫星獲最高分為之冠軍！投票規則好簡單，每日每個IP只可投票一次，結果將喺明年1月7日公布，12位候選脫星喺網站Show晒出嚟，有興趣嘅巴打可以上網投心水脫星一票。但記住，先前細佬都係叫大家「留意」就算，千祈咪太認真，事關舊年嘅冠軍Shyla Jennings咁，問心，巴打今年見過佢有咩演出呢？反而亞軍嘅Dillion Harper仲多搞作囉！點都好，四仔迷都係睇女兼過癮吓，如果有幸投中又被選中嘅網友，仲有機會來年獲半價入會，聽落好抵，但咪又係要畀錢，反而冠軍脫星有5,000美元現金獎，實際好多！
嫌女同唔夠「實在」，咁「DP Star Season 3」肯定啱晒你，Digital Playground一年一度嘅「DP Star」今個月正式開始，官網每個禮拜都有新片上載，會員可以睇片兼投票，今屆繼續有Nikki Benz及男優Keiran Lee做評判，仲有女神 Tori Black加入，冠軍脫星可獲得15,000美元獎金及一年DP獨家合約，捧到佢紅為止呀！決賽於明年1月23日舉行，巴打務必（目及）實喇！
不得不提嘅仲有「AVN頒獎禮2017」啦，同以往一樣，喺頒獎禮之前會有性博覽，由1月18至20日舉行，至於頒獎禮呢個大日子於1月21日喺拉斯維加斯舉行，相信巴打唔會飛過去睇，但你同我都可以上網投下心水一票，盡公淫責任啦喂！
撰文：祖