每逢佳節倍思親，我就話每逢佳節倍思春，過節梗係同戀人雙雙對對咁享受甜蜜時光啦！而日本寫真界人氣巨乳美少女星名美津紀都係咁話，佢表示自己係宅女一名，就算同男友匿喺屋企嘅被窩一樣可以感受到佳節氣氛，不過大家唔好心邪，阿妹只係想同男友窩在暖桌被取暖咋。
日本寫真界新人愈嚟愈多，亦愈嚟愈優質，當中又靚女又好波又青春嘅不計其數。之不過，做人要有要求，唔係話個胸大就一定正，好似當今寫真天后杉原杏璃咁，個胸大就大喇，不過質感有點硬；至於有寫真界「最強Body」之稱嘅染谷有香胸大而自然，但係質感卻太過軟腍腍。咁邊度有又大又挺又要純天然嘅好波呀？星名美津紀胸前嘅H奶咪就係囉！
20歲嘅美津紀係小弟近年最愛嘅寫真女優之一，其質素同當年「寫真界救世主」高橋聖子有得揮，屬於最高級別，家陣聖子已經嚟個華麗轉身成為AV界小天后，美津紀幾乎可以喺寫真界唯我獨尊。美津紀樣子嬌俏可人，甜美又可愛，身材更加正到不得了，身高5呎5吋，上圍嗰對37吋H Cup極品美巨乳集雪白、彈手、美觀、堅挺、天然於一身，實在係一對絕頂好波！
話說2011年美津紀去到原宿竹下通行街嘅時候，被星探發掘而加入寫真界發展，翌年舉行個人攝影會，更成為雜誌《Weekly Playboy》嘅封面女郎及推出寫真映像作品。由於美津紀質素超班，靚女又好波，其處女映像作品銷量成績極佳，登上網購網站亞馬遜嘅寫真映像DVD銷量榜冠軍位置！近年美津紀繼續喺寫真界發光發熱，更加因為喺一次攝影會中扮演魔法少女，而成為網友們熱烈討論嘅對象。
除咗拍寫真，美津紀喺影視界亦發展如意，參演嘅電影包括《我們都是超能力者》，新作《咲-Saki-》將於明年上映。美津紀工作咁忙碌，咁咪冇時間拍拖？阿妹早前喺訪問中表示家陣感情空白，閒來最鍾意留喺屋企玩雀仔。至於阿妹鍾意邊一類型嘅男仔呢？佢話喜歡沉默寡言又帶點怕醜嘅男仔，如果將來搵到男朋友的話，希望同對方喺聖誕佳節一整日留喺屋企，窩在暖桌被享受溫馨共對嘅日子！阿妹，小弟咁啱就係你喜歡嘅類型，有時間溝通一下啦喂！
簡介： 星名美津紀除咗會喺Twitter分享工作動態，亦會上載好多佢同班寵物雀仔玩樂嘅片段，過癮之餘，亦顯出阿妹嘅愛寵之心。
網址： https://twitter.com/hoshina_mizuki?lang=ja
年齡：20歲
身高：5呎5吋
三圍：37H-24-35
撰文：賢