世界上好多打工仔勞勞碌碌過一生，而小弟則勞碌又庸碌咁過咗半世人，人生真係冇幾何精彩過。然而，有一個工種就認真精彩無比，呢份工作就係AV男優喇！最近新一任AV男優之王田淵正浩接受訪問，除咗透露職業生涯嘅苦與樂，更選出心水名器女優。
如果大家睇日本AV有番5、6年年資，會發覺AV男優來來去去都係嗰幾位，原因係女優數目縱然有過千位，但係中堅派AV男優只有寥寥70多人，男優們亦按其外表、年齡、個人風格等因素而被定型為不同角色，例如有AV界木村拓哉之稱嘅南佳也以及清水健通常做辦公室型男，而小弟最敬佩嘅吉村卓就做變態阿叔，至於田淵正浩呢位高大又好身形嘅中年男優，十之八九都係做鹹濕上司。提到正浩哥呢位49歲AV界頂級男優就威威喇，佢除咗扮鹹濕上司扮到出晒名，更加憑專業表現喺早前舉行嘅AV界大型頒獎典禮「AV OPEN 2016」榮獲「男優獎」，成為新一代男優之王！老實講，正浩哥就算唔攞呢個獎都已經係業界之王，因為佢出道26年，閱女超過8,000人，比起現時最當打嘅清水健嘅閱女人數仲要多！至於點解正浩哥會下海拍AV，即刻搵佢現身說法。
大家唔好以為AV男優靠身體同勞力搵食，係因為學識唔夠喎！就以正浩哥為例，佢畢業於橫濱商科大學，畢業之後被中介公司介紹咗去地盤工作，負責清潔及搬水泥，對於一個大學生嚟講都幾委屈。後來正浩哥終於有機會離開地盤，因為一個地盤工前輩介紹佢去拍AV，而呢位前輩喺AV界有「戰鬥機裕」之稱！正浩哥話喺地盤返朝九晚五，日薪只得9,000日圓，但係為色情雜誌拍一輯相，拍攝3小時，就有15,000日圓，收入相當吸引。正浩哥喺1990年1月正式投身AV拍攝工作，首部AV嘅對手就係鮎川真理，正浩哥坦言開頭喺拍AV嘅時候都覺得好尷尬，仲緊張到未能夠「硬起來」。佢回憶起當時嘅情況都覺得唔好意思，表示如果體能好以及準備充足，一定會勃得起，仲話體能對男優嚟講係首要注重嘅事項，技巧只屬其次，知名嘅鹹濕阿伯德田重男就係因為身體健康，家陣82歲都仲有心有力。
據正浩哥講，佢嘅片酬起初由30,000日圓一部，到家陣平均有50,000至60,000日圓一部，最高峰時期一個月拍攝57部AV，至於家陣每個月平均拍15至20部，主要演出上司狼嗒下屬老婆嘅作品。出道26年，正浩哥表示對好多女優都印象深刻，而要數當中嘅名器女優，首選一定係觀月麻里喇！正浩哥話進攻嘅時候感覺驚為天人，相當緊緻，令佢前所未有咁陶醉其中！至於小室友里係另一位名器女優，口技最好就一定係櫻樹露依！正浩哥話名器難求，每一百個女優只有一個屬於名器，每次遇到佢都係做得……應該係拍得特別精神！正浩哥近年開始減少拍攝AV工作，除咗要照顧家庭之外，其實仲有好多路數，例如拍攝短片教人點樣克服早洩，最近仲出書《秘技傳授 男ノ作法 》講解性愛技巧，另一方面，正浩哥開辦女性健康講座冧師奶，「錢」途拍得住加藤鷹。
撰文：賢