正所謂一次生，兩次熟，但係男士同女伴喺第一次之後做錯事，就肯定冇下次機會喇！男士們想增強持久力同增加精力有好多方法，注意飲食正係其中一種，一陣就話畀大家知有咩食物同飲品對性能力有助益，以及有咩方法延遲發射。
男人為達目的往往可以費盡心思以及心計，我所指嘅唔係話為咗錢財貪兄食弟、穿公司櫃桶底，又或者行騙，而係男人為咗同心儀嘅女性上床而施盡千方百計。之不過，男人千辛萬苦將對方追到手後卻唔識珍惜，又或者喺完事後做錯某些事情，因而搞到女方對其印象分大減，繼而關係破裂，咁自然冇第二次啦！早前，英國新聞網站Daily Star提出多個男士喺完事後需要注意嘅要點，首先千祈唔好喺完事後即刻以九秒九速度飛奔去浴室，我哋都知道洩射完之後需要清潔一番，而女仔亦注重清潔衞生，之不過做完即刻去沖涼，就會令女方覺得你唔浪漫之餘，更嫌棄女方整污糟你。第二點係唔好開電視以及睇手機，女仔會覺得你得手之後就冷落伴侶。第三點係談及剛才嘅表現同感受，而你表現好對手自然體會得到，你表現唔好的話，對手又唔好意思講出口，咁會令女仔覺得困擾同不安。第四點就係切忌快速着衫離開，就算你幾趕時間，都唔好咁快着衫走人，女仔會覺得你係「（口趙）完鬆」，咪使旨意再有下一次喇。
好快就到聖誕節同新年假期，男士們一定諗緊點樣同伴侶享受節日氣氛，怕街上人多的話，可以賦閒在家煲劇煲電影，好讓自己從忙碌嘅生活當中得到充分休息。不過，一日流流長，梗係要同伴侶享受一下閨房之樂啦！咁點先可以延長性戰，令大家可以盡享箇中樂趣呢？營養學博士Derek Stewart建議男士們可以多飲咖啡，因為咖啡可以加速身體新陳代謝率，仲可以加速消化體內脂肪再化為能量，精力旺盛自然可以做得耐啲啦！另外建議大家多食豬肉，因為富維他命B1，呢種維他命可以維持神經系統健康以及加強精子活力。博士亦表示可以多食大蒜，因為當中含有大蒜素能夠促進血液循環，另外飲紅酒亦可以增加一氧化氮擴張血管嘅作用，令血液更加暢順咁流向小弟弟，令你「蕉」氣勃勃！
除咗飲食之外，想延遲發射亦有其他方法可以畀大家參考。性知識書籍《She Comes First》作者、性學專家Ian Kerner早前撰文點出三個可以幫助男士喺床上延長交歡時間嘅方法，首先男士們平常可以自娛作為練習，每當去到就嚟發射嘅時候就停低，一來可以鍛煉持久力，二來可以從中得知自己通常喺幾時會發射，減低交歡時面對就快洩射時嘅緊張感覺，方便作出動作上嘅調整。第二個方法係抽送嘅時候，盡量保持小弟弟與腹部程九十度角，專家話咁樣可以減低小弟弟嘅敏感度，另外小腹亦有好多感覺神經，減低小腹與女方嘅接觸頻率可以延遲發射。第三個方法就係可以喺就快發射嘅時候飲啖冰水或者含住粒冰，口部感到冷凍可以分散注意力。
撰文：賢