師傅教落做人唔可以睇表面，學習一項技能亦應該進行深度探索，咁至算係學到嘢。今日為大家介紹嘅一本情色工具書就深入探討房中術嘅奧秘，讓大家盡情享受床笫之歡。此外，仲有一本極之有「深度」嘅日本水着寫真集推介畀大家欣賞，演出嘅女優以爆乳橫行寫真界，夾出嘅乳溝又長又深，小心墮入其中不能自拔呀！
一條新鮮上水嘅鮮魚吸引，定係一條曬乾咗嘅鹹魚吸引呢？相信大家都一定覺得前者較為可口吸引。道理喺日本寫真界亦一樣，雖然班水着妹本身已經夠索又好波，而且意態撩人，但係若然佢哋扮演出水芙蓉，全身濕透就更加引死人，日本新紮寫真乳神柳瀨早紀最近推出嘅寫真集就大玩濕身誘惑喇！
柳瀨早紀於前年出道，樣子甜美兼具妹系與姊系氣息，極具親和力，同時身材豐滿鮮嫩，胸前一對40吋I Cup爆乳之間嘅乳溝深長之極，睇到人目瞪口呆！雖然家陣早紀活躍於藝能界，不停上電視節目，但係都離唔開賣弄身材。《柳瀬早紀 wet.》係佢最新推出嘅個人寫真集，睇到寫真集個名，大家應該意識得到早紀今次會大玩濕身喇！佢化身成為美人魚喺水中暢泳，展現出有別於平常嘅另一番美態，更重要係上水嘅時候，早紀對爆乳又濕又滋潤，同時濕透嘅外衣緊緊貼住豐滿胴體兼具透視效果，誘人感覺相當強烈！
書名：《柳瀬早紀 wet.》
售價：約HK$227
性幻想呢家嘢好衰嘅！你諗得愈多內容愈豐富，性慾就愈強，若然現實生活中更能實現的話，嘩！你仲唔係世上最幸福嘅人！只可惜通常男人先會勇於性幻想，一講到諗鹹濕嘢，女人就會自我審查，認定自己係淫娃、無恥、變態乜乜乜，所以唔敢幻想，更加唔會同人講。但係如果你想個人性生活得以改善的話，咁麻煩你拋開無謂嘅枷鎖，學習放開，盡情天馬行空性幻想！如果你咁都話唔識，不如睇吓世界各地女人點樣性幻想啦！呢本書《Begging For It: Erotic Fantasies for Women》嘅作者Rachel Kramer Bussel，經常喺「Refinery 29」、「Glamour」等網站撰寫情色專欄，亦有喺潮流雜誌分享兩性關係，係一位非常有經驗兼多產嘅色情編輯，最近佢將社會上20位不同界別嘅女性性幻想集結成書，以短篇小說形式同天下女性分享性幻想嘅樂趣，讀者可以從中睇到佢哋有幾淫蕩、幾無恥、幾變態，但人哋又覺得好爽快，部分女士更承認幻想後有實踐，幻想同現實都得到滿足，正到痹！
書名： 《Begging For It: Erotic Fantasies for Women》
售價：約HK$124
中國道家文化博大精深，當中氣功據稱有養生長壽嘅效用，至於性愛上，道家所講嘅房中術亦據說有奇效，但係內容究竟係點嘅呢？如果想窺探道家房中術嘅奧妙之處，呢本由謝明德、麗芳夫人、道格拉斯‧亞伯姆斯、 瑞秋及卡爾登‧亞伯姆斯聯合著作嘅《性愛功夫：道家長壽房中術智慧》，相信可以提供參考價值。謝明德係一位性學研究家，與妻子麗芳夫人均對道家養生學說有深入研究，而道格拉斯係資深作家，瑞秋則從西方醫學角度評論道家性愛養生方法。謝明德喺書中指出，道家關於性愛嘅部分已有三千年嘅歷史，而透過呢本著作，大家不但明白點樣可以喺性愛中達至道家所講嘅「和諧」，除咗讓伴侶體驗強烈又愉悅嘅多重性高潮外，更能達至建立深層次嘅愛與心靈關係，最終透過性而達至長壽嘅目的。書中不但着重理論，更會以深入淺出嘅方法，介紹大家練就房中術嘅呼吸及鍛煉方法，並透過運氣，從而令大家獲得美滿嘅性愛體驗及養生作用。
書名：《性愛功夫：道家長壽房中術智慧》
售價：約HK$70
撰文：賢、魂、祖