成功非僥倖！如果你認為Pornhub喺色情界咁成功，只係單靠市場佔有率咁就錯晒，事關Pornhub愈成功，全球愈禁得勁，繼內地及馬來西亞之後，連俄羅斯都話要封殺，不過你有你禁，Pornhub唔會氣餒，為迎接呢個「性」誕檔期，特別推出溫情廣告，睇完記得支持吓喇！
個人認為Pornhub不只係全球色情網絡巨擘，仲係付出最少，收益最大嘅廣告公司，事關佢哋每次有新嘢推出，例必吸盡全球眼球，話題性爆燈，好似早前為響應巴西奧運，專登開多個網站「OOOHLYMPIC」，同時請班猛男索女到里約免費派袋，宣傳安全性行為，抽晒水，食盡宣傳之效。此外，今年5月煞有介事喺官網主動認衰仔話網站有漏洞問題，呼籲熱心網友提供解決方法，於是搞個「漏洞回報獎勵計劃 」嚟改善系統安全，其實此舉純粹吸引媒體注意博宣傳，塑造安全網站形象咋！但數到最爆嘅係舊年Pornhub發表「太空性愛計劃」，喺籌旗網站希望可以集資3,400萬美元，安排男女脫星上太空啪啪啪，最後籌唔夠數而取消計劃！
唔好理Pornhub搞活動係真心定假意，總之佢搞乜，宣傳都係咁成功，即使喺官網搞個脫星賭場一樣咁多人爭住玩，單喺2015年總共錄得超過870億次瀏覽量、播放咗超過43億小時嘅成人內容，相當厲害呀！所以話愈封殺Pornhub，其實即係幫咗佢宣傳囉！
今個聖誕節，Pornhub唔搞咁多新花臣，簡簡單單咁整個溫情廣告，喺官網或YouTube都睇得到，主題名為「Pornhub Premium Gifting Service」，講述孫仔孫女到爺爺家中開派對，人人一雙一對，唯獨爺爺形單隻影坐喺梳化愁眉苦臉，孫仔見爺爺咁慘慘豬，即刻攞個信封埋去，爺爺打開見到係Pornhub禮物卡，即時彈起身同孫仔嚟個深情擁抱，鏡頭仲影住爺爺開心到流眼淚，相信四仔迷睇完之後都會受感染忍唔住上Pornhub爽吓啦！
撰文：祖