男士為咗令女方喺床上得到快感，有時會對女伴嘅敏感部位「落嘴頭」，但係有調查顯示唔係咁多女仔受呢一套。提到高潮，大家都認為一定要有「緊密接觸」至可以達到理想效果，有專家表示唔接觸一樣可以有高潮。天氣轉涼，好多人都會着多件衫瞓覺，專家表示男士們可以着多件衫，但係就唔好着底褲，因為咁至可以增強性慾。
好多女仔都誤以為男人對佢哋百般取悅，都係為咗同佢哋上床，而上到床都係男人只顧自己歡愉，其實好多調查都發現男人嘅床上行為大部分都係為咗令女方開心而做，唔少男士仲因為怕自己耐力不足，表現不能取悅女方而感到憂心忡忡添喎！講到男士嘅床上行為，佢哋除咗希望以長時間以及力度十足嘅抽送令女方飽受快感衝擊之外，亦會「落嘴頭」，靠自己嘅一條舌頭刺激女方各個敏感點，即使覺得厭惡亦甘願為對方而做！早前奧克蘭大學搵來243名成年男女協助研究，發現男士們感覺到同女伴關係欠佳，又或者覺得女伴有不忠意圖就愈主動去吹口琴，意圖令關係變得更為鞏固。然而，調查又發現其實唔係好多女仔鍾意男方「落嘴頭」，比率只有44%，相對於鍾意享受吹奏嘅63%受訪男性為少。研究人員指出，女方唔係咁接受被吹口琴嘅原因，包括怕自己清潔不足會有味道令男方感到不快，另外亦會覺得男方吹完口琴之後變得不潔，轉頭又錫其他部位會感到渾身不自在，所以建議男士們先問一下女方接唔接受到吹口琴，吹完再去清潔一下口腔就好好多喇。
為咗令女伴喺床上高潮迭起，男士們認真係費盡心思，甚至盡一生精力去鑽研性知識。不過，女性嘅高潮就好似佢哋嘅心情一樣咁難以捉摸，因為有研究發現唔少女性一生都未能透過交歡達到高潮，又有女性唔交歡都可以透過其他途徑而得到高潮，例如有女仔坐過山車會高潮，亦有女仔試過做做吓運動都會高潮，又有專家表示女性唔使郁都可以感受到高潮。性策略專家Jacqui Olliver表示要令女仔高潮，大腦嘅感受相當重要，雖然大家唔可以改變大腦對於性刺激嘅反應，但係可以透過其他方法去向大腦提供性刺激，而方法可以靠聽音樂！Jacqui Olliver話坊間有一套音樂集名為《Binaural Beats Ultra》，女仔透過耳筒專心收聽音樂，再集中精神，配合呼吸節奏，就可以達到零身體接觸嘅高潮！不過，我諗男士們應該唔係咁鍾意女伴用呢個方法囉！
早前曾經喺本欄當中，同大家分享過一個簡單嘅高潮貼士，而呢個貼士由一位叫做Gert Holstege嘅教授經過研究而得出。教授透過研究發現，着住對襪交歡嘅女性，達到高潮嘅比率為80%，而喺交歡時達到高潮嘅女性就只有50%，故女性着住襪交歡會更加暢快淋漓。近日天氣轉涼，男士們上床嘅時候唔將女方剝光豬，留對襪仔畀女方着住仲顯得更體貼細心添！另一位泌尿科博士Brian Steixner就建議男士瞓覺嘅時候唔好着底褲，博士話男士着底褲入睡會令三角地帶溫度上升，令精子質素下降，想生育嘅男士特別要注意，另一方面博士仲話精子質素下降亦會令性慾都冇咁強添！而着住底褲入睡亦會增加同小弟弟互相摩擦頻率，從而令皮膚受損，喺交歡時受到細菌入侵嘅機會就會增加。
撰文：賢