所謂路遙知馬力，日久見人心，同一個人相識得耐，經歷得多，自然就會了解到對方嘅真性情！床戰亦係一樣，要顯示出自己嘅床上功夫到家又多變，如果時間唔延長的話，對方就感受唔到喇！但係點樣先可以延長持久力，同女伴嚟個馬拉松式床戰呢？今日介紹畀大家嘅一本情色工具書就講解呢個課題喇！另外，仲有一本寫真集由青春玉女演出，讓大家欣賞青春胴體之外，更可以睇到佢出道十年來最真最自然一面。
日本好多青春偶像都係由十幾歲加入演藝界，好似AKB48、SKE48、早安少女組等等，當中有好多成員未夠20歲，甚至18歲都未夠，而真野惠里菜15歲時成為少女組合「Hello! Pro EGG」成員，展開演藝生涯！惠里菜氣質清麗、歌聲美妙，更係一位鋼琴好手，經常喺演出時表演彈鋼琴，自彈自唱感動樂迷。長得亭亭玉立之後，惠里菜以水着姿態上陣，展露一副雪白而婀娜嘅姣好身段。
今年惠里菜已經25歲，為咗慶祝出道10周年，推出個人寫真集《陽炎》，去到美國洛杉磯拍攝，惠里菜表示去外國發展係佢嘅夢想，去到美國取景更加希望可以展現出自己全新嘅一面，喺演出上將性感底線大大提高，將自己最真最自然嘅一面帶畀大家欣賞！
書名：《陽炎》
售價：約HK$234
身體健康你識得關注，咁性健康呢？試問香港地有幾多男女夠膽話自己性生活好滿足？事實連健康標準都未達到呀！咁點先為之健康呢？根據最新推出嘅性健康書《Real Sex: Why Everything You Learnt About Sex Is Wrong》指出，如果閣下滿足唔到個人性慾，咁即係等於離性健康尚有一段距離！照咁講即係人人都唔健康囉！又未必，世上總有情侶、夫婦性趣相投，只係香港地特別少，加上男怕被拒絕而唔敢提出，女怕被標籤而羞於開口，惡性循環，性愛最終目的變成發洩，當中無愛亦無溝通，其實同自行解決差無幾（口架）咋！唔想咁樣可以點樣？不妨睇睇呢本書，作者大膽指出，現今男女嘅性知識都係錯誤，理由在於色情變成商業主義，性行為目的已被扭曲，個人慾望已被市場操控，明明討厭愉虐，但因為潮流興而去做，咁就已經係錯。書中仲提出好多日常生活中男女接觸錯誤性觀念嘅例子，唔想連性都被操控，真係要買本書睇吓喇！
書名：《Real Sex: Why Everything You Learnt About Sex Is Wrong》
售價：約HK$133
男女總會認為床戰應該做得愈長愈好，因為咁樣先至可以盡情享受高潮快感。可惜現實係馬拉松式嘅長途性愛，卻同體能及性能力有關，想享受呢種長途賽又談何容易呢？美國臨床性學專家Sonia Borg透過其著作《馬拉松性愛極致體驗》，為大家介紹床上長途賽嘅好玩地方，以及點樣先至可以喺床上長戰長有。書中指出，男女唔應該視長途賽同天賦異稟畫上等號，反而透過勤能補拙同熟能生巧兩個要點，同樣可以達到長途征戰嘅目的。為此，佢認為男女應先要有心理準備，跟住再透過書中介紹11個既實用又特別嘅性愛體位，從而令男女得到無比高潮嘅同時，又能有效延長床戰時間。大家咪以為得11招咁少，查實佢哋可以互相配合同演化，變出更多招式。喺咁嘅情況下，馬拉松式嘅床戰又點會冇樂趣呢？
書名：《馬拉松性愛極致體驗》
售價：約HK$150
撰文：賢、魂、祖