有專家建議女士們每周至少有三次高潮，咁樣身體同精神狀態才夠健康。提到女士要得到高潮，專家就話有幾個常用體位男人們需要注意，因為做錯咗會令女方難以登「高」。最近有人數過，發現一位已故外國歌手嘅歌曲最引人入「性」，大家估吓係邊一位？
香港人每日都要面對多方面嘅壓力，工時又長，工作量又多，身心負擔相當重，積積埋埋唔單止搞到身體健康轉差，更加容易令情緒、精神亦受影響。要令身心健康，作息定時、飲食健康當然好重要，做運動一樣唔少得！除咗跑步、游水、踩單車等等之外，仲有咩可以做呢？如果係女士的話，不妨參考一下性學專家Andrea Pennington嘅建議，每周至少交歡達到三次高潮！Andrea表示女士們達到高潮可以釋放壓力，令精神緊張得以紓緩，更加可以增強自信。另一方面，高潮仲可以令體內分泌嘅賀爾蒙水平得以平衡，對於預防高血壓等相當有效。Andrea補充話，有研究顯示女士嘅高潮大部分都係喺情感上得到嘅，換言之唔一定要花好多心機同工夫喺交合之上，最重要係女士要喺一個舒適、充滿安全感以及能夠令其身心放鬆嘅環境之下交歡，就可以提升得到高潮嘅機會喇！
上述講到專家建議女士們每周至少要有三次高潮，對身心有益處。之但係，先唔好講唔係個個女士都可以得到高潮，要令女士享受到高潮亦需要男士嘅幫助，大前提係要有一定體能以及床上技巧。美國印弟安納大學進行過一項調查，發現85%男士認為自己可以令女性得到高潮，但係事實上只有64%嘅女士高潮過。Kat Van Kirk博士表示兩者差距如此大，好可能係男士們做愛不得其法，仲指出有兩個常用體位難以令女士高潮，一個就係正常位喇！博士建議男士進行正常位嘅時候，可以抬起女士其中一隻腳到自己嘅大腿上，令抽送時更加有效加深刺激以及刺激到陰蒂。第二個體位係後進式或女方企定定讓男士從後進入嘅體位，博士話好多女士都覺得此體位雖然可以增加進入深度，但係完全刺激唔到陰蒂，建議男士可以一邊輕輕抽送，一邊伸手去撫弄一下女方嘅陰蒂。
又到聖誕，又到聖誕！好快就到聖誕佳節！雖然單身多年嘅小弟仲未搵到女友陪我歡度佳節，但係有好兄弟早已經為小弟設想好晒，約咗大批單身女仔喺聖誕節嚟個燒烤大會，就算從中搵唔到女友，至少喺佳節都唔使一個人過咁淒涼。相信各位已經有情人嘅朋友們亦已經準備緊點樣同女友喺佳節過得開開心心，甚至過得性福無邊！不過，點樣可以提出性暗示又唔顯得「低手」呢？不如同對方一齊聽返首歌啦！最近喺外國忽然有人一時「性」起，從眾多英文歌曲當中尋找邊一位歌手嘅歌曲用得最多「Sex」嘅英文字，結果發現出現得「Sex」次數最多嘅英文歌就係由已故經典男歌手Prince所唱嘅歌曲，由其主唱嘅歌曲當中出現過79次「Sex」呢個字。另外，「Masturbation」即係自娛，喺Prince嘅歌曲出現次數亦喺眾多歌手當中稱冠！大家喺佳節若然有機會同女伴共處一室，不過妨播吓Prince嘅歌，一來引人入「性」，二來對方仲會覺得你有品味，一舉兩得呀！
撰文：賢