尾島知佳美女大叔

美女同大叔可以有咩關係呢?最大可能係親屬關係。不過,尾島知佳就集美女與大叔於一身。吓?唔通咁靚嘅女仔會係雙性人?非也!只係因為阿妹佢喺美少女團體當中年紀較大啫!

樸實美乳

日本好多美少女團體都出產標致美人,而呢班美人兒更加得天獨厚,除咗青春活潑,魅力逼人,更加身材一流,就好似「美女甜甜圈」咁,近年唔少成員因為身材豐滿誘人而獲得寫真界垂青,佢哋亦不負眾望,憑激凸又鮮嫩嘅胴體成功突圍,氣勢直逼好多資深寫真天后,好似谷澤惠里香、大川藍、後藤郁,而今日同大家介紹嘅尾島知佳就係出身於「美女甜甜圈」喇!22歲嘅尾島知佳氣質純真而清秀,樸實天然,五官組成出一副養眼又順眼嘅美人胚子。知佳一副純天然鮮嫩胴體亦同其美貌一樣咁誘人,每個部分都應大則大,應細則細,胸前嘅D奶有睇頭且彈性十足,玉臀亦堅挺圓潤,配合5呎4吋身高,真係引死人。

年紀最大

尾島知佳喺2009年,即係15歲嘅時候透過應考美少女偶像團體「美女甜甜圈」嘅招募,成功獲得取錄成為團體嘅第四期成員,一路發展至今都相當順利,近年因為拍水着寫真,展露激凸上圍,令人氣進一步提升。其實未拍水着寫真之前,知佳已經有好多發圍機會,例如喺2011年參演電影《2ch之詛咒》,2014年做電影《偶像戰記》嘅女主角,對於一個十幾歲嘅妹妹仔嚟講成績相當唔錯!除咗拍戲,知佳亦演出過唔少電視節目,好似《野元愛×後藤郁×尾島知佳の結束BANG!!!》等。雖然知佳演戲才華受到肯定,但係作為偶像團體嘅成員就唔係咁合格,因為知佳表示接受唔到自己嘅歌喉,仲話成日跟唔到節奏,所以唱極都唔好。歌喉欠佳,知佳當然成日被成員取笑啦,但係最常取笑嘅係其年紀,因為知佳喺團體當中年紀最大,說話又比較老氣,故被稱為「大叔」,你班妹妹仔咁樣取笑一位美人兒,有冇搞錯!

個人博客

簡介:尾島知佳近期成日四圍吃喝玩樂、遊山玩水,想睇吓阿妹點樣享受人生,就要Click上其博客喇!

網址:http://ameblo.jp/ojima-chika/

尾島知佳 Profile

年齡:22歲

身高:5呎4吋

三圍:34D-24-34

撰文:賢