雖然話深港通如箭在弦，但係北水進一步南調有幾多效益，對本港經濟有幾大好處大家都仲未知，而國際間又充滿好多經濟不明朗因素，所以大家都係繼續做好自己份工，鞏固好自己嘅經濟基礎至諗其他搵銀方法喇！講到搵銀，日本AV女優搵起錢上嚟真係去到盡，每月月入高達十幾萬日圓不是夢，家陣就睇吓佢哋有幾好搵喇！
近日日本AV界三位AV廠社長被有關當局逮捕，指佢哋安排旗下嘅AV女優去到陪浴場所做陪浴孃，陪浴時仲提供埋不道德交易。據悉，呢批女優陪浴孃如果屬人氣一般嘅，每120分鐘收費為65,000日圓，約四千幾蚊港紙，如果人氣高啲嘅收費為80,000日圓，收入都幾和味o架！老實講，AV女優下海做風俗孃其實都唔係咩新鮮事，而下海嘅女優多數都唔係咁出名，因為知名嘅女優齋拍AV都搵夠錢，甚至進身富婆之列，根本唔使拋個身去風俗場所做，只有紅唔起嘅女優至要靠兼職啫！咁到底做AV女優有幾好搵呢？根據網站「av女優募集.tokyo.jp」嘅專業AV分析員精密計算，人氣單體女優月入閒閒哋高達200多萬日圓，即係十幾萬港元o架！
早前小弟講過日本關東同關西兩邊嘅專屬AV女優嘅片酬差距拉近，每部AV片酬約有100萬日圓，每個月係咁意拍兩部就已經夠供車供樓喇！之不過，如果唔係專屬女優如吉澤明步、明日花綺羅、Julia佢哋咁把炮，其他女優嘅收入係咪冇咁豐厚呢？又唔一定噃，但係就要多勞多得喇！據專業AV分析員為一般嘅單體女優，亦即係好似尾上若葉、倉多真央呢類女優嘅收入計算，佢哋月入亦可以達到近100萬日圓。分析員假設佢哋拍10部AV，每部片酬平均為20萬日圓，此外亦會有拍攝寫真、開攝影會或者為寫真網拍專輯等工作，工作兩日，每日收15萬日圓，就有30萬日圓喇！另外亦會有雜誌採訪，酬金有30,000日圓，計計埋埋就有233萬日圓收入，但係呢筆錢唔係女優全部袋晒，因為事務所抽佣高達6成，剩番4成亦即係90幾萬日圓至係女優所賺，換言之亦有接近60,000多港元落袋，收入好好喎！如果你咁諗，可以同你講句：朋友，你實在太年輕了！因為人氣單體女優嘅收入將會係佢哋嘅三倍！
上述嘅計算只係一個頗具人氣而又諗住輕鬆工作嘅女優之每月收入，而計算亦只係假設該女優工作10日咁大把而已。至於肯捱肯搏，本身已經出道一年素有經驗且甚受歡迎嘅女優，條數就絕對唔係咁計喇！如果該人氣女優拍15部「即日鮮」AV，40萬日圓一部就有600萬日圓收入，再拍一部「兩日鮮」AV，片酬為30萬日圓，額外拍多部SM片又賺多45萬日圓，加埋出席攝影會、雜誌訪問，一共就可以賺到742萬日圓喇！照規矩被事務所抽佣6成，亦有約290萬日圓收入，即係十幾廿萬港紙！之不過，分析員表示咁都未算勁，以超人氣女優上原亞衣喺2013年嘅成績嚟計，290萬日圓收入只係小兒科，因為亞衣當年拍咗140部AV作品，當亞衣收30萬日圓拍一部就已經有4,200萬日圓帳面收入，自己實袋1,680萬日圓，唔怪得上年亞衣咁快就宣告引退啦！原來搵夠錢收山！
10次「即日鮮」AV演出：20萬日圓 × 10 = 200萬日圓
2次寫真攝影：15萬日圓 × 2 = 30萬日圓
雜誌採訪：3萬日圓
帳面收入：233 萬日圓（女優實收93萬日圓）
15次「即日鮮」AV演出：40萬日圓 × 15 = 600萬日圓
2部「兩日鮮」AV演出：30萬日圓 × 2 = 60萬日圓
1部SM作品演出：45萬日圓
雜誌拍攝：20萬日圓
雜誌採訪： 3萬日圓
2次攝影會： 7萬日圓 × 2 = 14萬日圓
帳面收入：742 萬日圓（女優實收290萬日圓）
撰文：賢