成人漫畫嘅女角色，如果冇前凸後趷身材，除非有另類癖好，否則邊個讀者會睇呢？講到擅長繪畫豐乳盛臀女角色嘅成漫家，絕對不能不提南北，佢嘅成漫路上首本處女單行本作品《戀人規則》，展示出筆下女角嘅無比魅力。
成漫家想出人頭地，好多時要先喺同人圈累積人氣，跟住獲得成人漫畫月刊睇中才有機會發表作品，而南北嘅出道過程亦如此，早喺求學時期，已經積極喺漫畫同人圈發表作品，不但磨練出精湛畫技，美貌與身材兼備嘅女角色更係吸引讀者嘅重點。2004年佢以成漫同人圈「MoonSalto Express」為發表作品基地，先後發表《ULTIMATE KIDE》、《ULTIMATE A: Overflow》、《WILD ROSE HIP》等多套網絡人氣作品。
憑藉同人圈嘅人氣，加上佢對作品嘅信心，遂於2006年以《惡魔的契約》參加由成漫月刊《COMIC阿吽》舉辦嘅新人漫畫比賽，獲得優異獎佳績。不過呢個時期佢仍未全身投入職業成漫界，只喺多個同人圈發表作品，以及創作一般向漫畫。
及至2009年，佢以成漫作《新人作家之香小姐的一天》，喺成漫月刊《COMIC快樂天》舉辦嘅第25屆新人漫畫王獎中獲得公主獎。獲獎後佢終於得到喺月刊發表作品嘅機會，從此踏上成漫家之路。講到佢首本推出嘅單行本，要等到2012年嘅《戀人規則》，呢本作品不但展現出女角豐乳盛臀嘅魔力，更獲得市場極大好評。至於佢喺2015年4月推出嘅第二本單行本《大家的新娘》，同樣得到成漫迷讚賞。
作為南北首本推出嘅成漫單行本，《戀人規則》收錄咗佢自出道以來喺成漫月刊《COMIC快樂天》發表嘅單元故事，分別有《White Splash》、《戀人規則》、《Sexual Doggy Life!》、《初戀》、《姐姐的門》、《圖書館戀愛》、《歡迎來到下野診所！》、《範圍內有忍者》、《晉升經理》、《晉升經理 純愛淫行篇》、《新人作家之香小姐的一天》、《微笑輔導員》、《真實的自畫像》、《Strongly Weakly》同埋《隨後狗的感情》共15個單元故事。當年嘅成漫評論員對呢本千呼萬喚始出來嘅作品不但評價極高，更稱佢結合狂歡、激情同快感，當中尤以《Sexual Doggy Life!》同《初戀》兩個故事最值得細味。
《Sexual Doggy Life!》唔單止係個有趣故事，對於「犬控」嚟講，絕對有愛上呢個故事嘅加乘作用！作為女主角小八嘅男友椀田，佢一直取笑小八係一隻狗，皆因唔理乜嘢情況下，小八都可以憑住氣味搵到椀田所在，而每次曳曳都係由小八主動求歡。起初小八對於椀田話佢係狗乸相當反感，決定戒除被視為狗嘅行為。不過小八苦忍性慾一個月後，終於按捺不住高漲嘅慾火，決定捨棄人嘅身份，化身成一隻發情雌犬。
《初戀》係講一段姐弟戀嘅故事。男主角良太有晚介紹新相識嘅女友美樹，畀感情深厚嘅鄰居小綠姐姐認識，因而令小綠感到沮喪。原來良太細個時同小綠講過，話大個咗一定會娶對方，而小綠一直信以為真。如今良太竟然同第二個女仔拍拖，試問佢點可能唔失望呢？有晚良太諮詢小綠嘅意見，睇吓買乜嘢禮物送畀美樹，只係小綠無心提出意見，良太便稱年長嘅小綠唔明白少女心事。呢句話令小綠大感不滿，決定要良太試吓成熟女人嘅手段！
漫畫名稱：《戀人規則》
作者：南北
出版：Wani Magazine
頁數：218頁
撰文：魂