好多人都話要男女平等，其實要真正做得到好難！先唔好講，男女拍拖食飯，男仔若果提出女仔埋單一定會被罵冇風度、死窮鬼、唔係男人，日本AV界男女優嘅薪酬方面都有好大分別，甚至可以話有天淵之別！到底兩者嘅片酬距離有幾大？一位藝人女優初下海嘅片酬竟然係男優拍1年AV嘅總收入，佢仲要係男優之王加藤鷹喎！
早前有調查發現，喺香港職場當中出現男女同工不同酬嘅情況相當普遍，男士嘅平均薪酬比女士高出唔少。老實講，小弟都覺得有關方面應該正視呢個問題，同一個工種、同一種工作又點解男人做會高啲人工呢？真係點諗都解釋唔到。而喺日本AV界亦有呢個情況，不過就唔係男優片酬高過女優，而係女優片酬普遍高啲。早前，日本AV界人氣女王、前SKE48成員三上悠亞喺電視綜藝節目中自爆初下海嘅片酬高到可以喺東京世田谷區買一層兩房一廳嘅豪宅。
雖然話三上悠亞初下海嘅片酬足以買豪宅，但係有冇成億日圓咁多只係猜測而已。世田谷區屬於東京嘅富貴地段，樓價高至2、3億日圓，但係八百幾萬至一千萬日圓亦有交易，而悠亞話可以買到嘅世田谷住宅只係舊樓，所以其片酬未必有成億咁多。另一方面，亦有AV業界人士指出，就算悠亞下海價上億日圓都未必係佢一個人袋晒，可能只係得四分之一或五分之一落袋。點解咁講呢？因為今年9月亦有一位極具話題性同知名度嘅女藝人下海，佢就係坂口杏里喇！呢位女演員論樣貌同身材都唔及三上悠亞，但係佢阿媽坂口良子就威水喇！良子曾經係風靡一時嘅寫真女神，四五十歲嘅日本男士一定識得佢。而良子過身之後，據聞坂口杏里因為沉迷幫襯鴨店，唔單止敗晒阿媽嘅遺產，仲欠500萬日圓債務，咪搞到要拍AV賺錢還債囉！據悉，坂口杏里食住其母親嘅名聲而身價亦相等於悠亞，初下海片酬亦有近億日圓，雖然實質上只係其中嘅2,000萬日圓，但都夠佢還債有餘。
嘩嘩嘩！藝能人女優初下海片酬就有上2,000萬日圓片酬，換言之有成百幾萬港紙，真係幾好搵喎！拍多幾部真係買車買樓都得喇！之不過，女優就咁好搵，做AV男優就唔係咁過癮喇！男優之王加藤鷹喺高峰時期一年都係搵得二千幾萬日圓，辛辛苦苦同班女優搏命砌足成年得到嘅收入，先等於悠亞同杏里拍一部片咋！提到日本AV男優嘅收入，相信各位男士們都好想知道。先講其貌不揚，只配做「塘邊鶴」，幾乎連個樣都見唔到嘅汁男優啦！據悉佢哋每向女優「爆發」一次，收入約為3,000至5,000日圓。至於一般職業男優，每部AV收入約20,000日圓，即係千幾蚊港紙，一個月唔拍十幾二十部AV，都好難養家喎！而演出超過5年，拍過逾200部AV嘅男優由於經驗豐富，拍一部AV收入就係30,000至40,000日圓，至於出道10年，演出過2,000部AV嘅首席男優都唔係好好多，一部都係50,000日圓，見到佢哋咁瞓身同班女優砌到天翻地覆、身水身汗，原來價值都只不過係3,000幾蚊港紙，但係AV廠都仲係嫌佢哋貴，故近年經常招募素人男演出，以減少使用男優嘅比例。
撰文：賢