成日話玩家用錢換番嚟嘅係體驗，但係體驗呢樣嘢好空泛，有啲體驗係超出預期咁好，有啲則係超出預期咁差。其實每種體驗最重要都係玩家肯踏出第一步，如果乜都唔願試嘅話，試問點會有意外收穫呢？
色情行業一直都係被視為傷風敗德，雖然人哋係咁睇，但有啲嘢又真係唔好敗得咁過分。好似廣西柳州嘅警方，最近喺當地搗破一個聲稱嚟自廣東東莞嘅賣淫集團，集團成員分別係主謀李姓男子同埋3名女子。呢個集團以當地嘅一間賓館客房作為根據地，而佢哋嘅做法係先透過手機社交App同玩家取得聯繫，然後再通知玩家去到客房進行交易，而李姓男子則喺賓館樓下睇水。據呢位李男講，原來佢同被捕嘅其中一位張姓女子係情侶關係，由於李男以前喺東莞都係做開淫媒關係，故此去到柳州就游說女友接客，實行以情侶檔搵食。張女起初唔願意，後來喺高額回報下決定下海。男接客女做娼已經夠離譜，有日李男收到3個客人嘅電話，張女一個人接唔晒，於是拿拿臨搵埋兩位姊妹過嚟一齊做，而當中一個林姓姊妹啱啱生完BB就嚟開工，當然林女下海嘅理由同樣係為錢。如此混帳嘅關係，睇落真係有啲頂唔順，但係有幾多個玩家會關心呢啲事呢？
玩家都知道台灣嘅警方每次破獲色情場所時，唔單止會拉場所負責人同囡囡，同時會拉埋玩家。因此玩家每次曳曳時都要好小心，免得斷正。正所謂夜場夢多，有經營外送茶嘅色情業者，推出即睇即食嘅快餐式曳曳服務，等玩家可以喺相對極短時間內完成交易，咁就減低中招嘅機會。究竟快餐式曳曳可以有幾快呢？答案係15分鐘內完成。玩家喺選擇呢種服務後，若然外送茶女郎唔啱心水，唔可以換女之餘，仲要喺限時內完成任務，否則價錢會雙計。雖然呢種玩法未免太過急趕，但據業界人士稱，由於價錢係一般外送茶服務嘅七折關係，初期反應比想像中好，而服務對象亦主要以中年男士為主。不過佢又話未來嘅發展應該唔係咁理想，始終係時間太過緊迫關係，因此現處於觀望期，從而決定未來嘅路向。
日本洗浴風俗店又稱為Soapland或泡泡浴店，玩法自好耐之前至今，幾乎乜嘢變化都冇，都係玩家入店後揀風俗孃侍浴，然後再享受口手服務，至於洗邊度同點洗法，唔好意思，呢個好似一直以嚟都唔係日本玩家所關心嘅地方。不過時至今日，部分老牌洗浴店希望能夠改變形象，以新服務取悅玩家。乜嘢新服務呢？原來係「洗體實物指名」！原來一直以嚟，洗邊度同點洗法都係由風俗孃話事，而呢種新服務嘅特色，就係玩家喺揀選風俗孃嘅同時，可以講明風俗孃洗邊度。雖然價錢係按身體部位嚟計算，但有玩家指呢種洗法有針對性，鍾意洗幾多個地方都得，計落其實仲着數。對玩家嚟講梗係吸引，只係對風俗孃嚟講卻唔係好事，皆因佢哋嘅實際收入少咗，結果令到風俗孃嘅流失量飆升，唔知呢種新服務係好事定壞事呢？
撰文：魂