調查發現女伴最唔鍾意男方係床上悶蛋，咁點做好？梗係要轉多幾個花式以及轉換一下戰場啦！好多男人都嫌自己喺床上持久力不足，最近有一個手機應用程式可以幫大家解決呢個問題。第一次約會可以話係溝唔溝到女嘅關鍵，咁點先可以令呢次約會變得成功呢？
好多男人即使已經有一個固定伴侶，又或者有老婆，亦經常心思思想出去偷食，原因未必係因為女伴對性事缺乏興趣，而係男方覺得女伴喺床上唔夠主動，甚至覺得成日都與同一個女伴上床實在太悶！其實將心比心，女伴又何嘗唔係認為你悶出「鳥」來呢！交歡時間已經唔係長，而且來來去去都係一兩個招式，唔悶就出奇啦！性健康專家Samantha Evans表示，調查發現96%受訪女性希望男方喺床上做主動，亦有超過8成受訪女性唔希望男方只係識得用一招正常位做愛。Samantha Evans就建議男士們如果唔想成為床上悶蛋的話，有幾個地方要注意，第一係可以試吓玩角色扮演，坊間有咁多Cosplay服，不妨買一兩套同女伴扮演不同角色開戰。第二係試多啲體位，一邊睇鹹片一邊學戲中人嘅招式亦係一個唔錯嘅方法。第三係變換場地，出去開房又得，喺屋企一樣可以跳出局限，試吓喺廁所、廚房、飯廳激戰一番。最後提議大家買幾款情趣玩具，一來令床戰刺激啲，二來大家一齊選購亦可以製造更多話題。
男士們希望同伴侶關係持久，但係更加希望自己喺床上能夠擁有超強持久力，咁就可以令女伴欲仙欲死、咬碎銀牙。之不過，持久力因人而異，亦唔係話咁易，咁點算好呢？最近有一個名為PEA嘅手機應用程式就幫助大家提升持久力喇！此程式由23歲年輕人Brennen Belich開發，當中有一位虛擬醫生，教授大家各種可以延遲射精嘅方法同知識，仲會提供一系列自我以及男女訓練方法，有助提高持久力。另一方面，程式仲可以分析用家嘅持久力，再提供合適嘅建議。Brennen Belich表示羅馬非一天建造，提升持久力亦唔係一朝一夕就可以成事，所以叫用家要持之以恒喎。由於程式暫時只得iOS版本，其他手機用家需要等一段時間先可以下載到喇。
早前感情生活枯燥多年嘅小弟終於遇到一位合心水嘅女仔有機會拍拖，之不過溝咗幾個月至發現個女仔原來做緊第二個男人嘅小三，小弟知道之後心如刀割，更慨嘆「貧者愈貧，富者愈富」！飽受情傷嘅小弟決定再次出動，希望今次可以一擊即中，即晚「得米」，發展感情就等日後至算。然而，點樣至可以增加一擊即中嘅機會呢？相信大家都知道第一次約女仔出街，第一次共享晚餐係一個重要契機，早前喺日本就訪問咗500名成年男士，從佢哋嘅經驗當中分析一下一擊即中嘅成功因素。最多男士認為係話題不絕，交談能夠令對方感到愉快最為重要，有受訪者表示對方長時間處於開心嘅狀態會令其放下戒心，亦會令對方覺得同你一齊夠晒開心，可以發展長久關係。第二係舉止同禮儀相當重要，千祈唔好喺用餐時間顯得粗魯冇儀態，但係太拘謹亦唔好。第三係畀錢時唔好猶豫，豪爽地埋咗張單，咁做唔單止令對方覺得你經濟能力良好，為人又夠闊佬，對方仲會覺得欠你人情，咁就啱喇！一陣搵間酒店房慢慢「還」啦！
撰文：賢