唔好話點解冇得揀，有時畀得太多選擇，卻令人陷入選擇困難嘅情況。好似呢隻由日本十八禁遊戲廠SPEED最新呈獻嘅《極道！～各位放膽過來～》，相信會令大家患上選擇困難症。遊戲以學園為故事背景，由玩家扮演嘅男主角菅野史彥，係學園嘅學生會書記，佢既強勢又體貼，仲與刀術高手美少女兼學生會會長中山紅愛，以及擁有超強格鬥技同出色頭腦嘅絢音，合組學生會嘅鐵三角。喺佢哋嘅管理下，學園一直過住和平嘅生活。直到某日，學園嚟咗兩位美少女轉校生川崎翠，以及對紅愛抱有敵對態度嘅堀場千佳，佢哋嘅到臨令學園變得烏煙瘴氣，更挑戰學生會嘅地位！紅愛遂召開學園大會，指出事件係因中山家繼承權嘅鬥爭所致，更在大家面前下戰書。為咗解決呢場風波，史彥決定獻出自己嘅身體，只係最後佢會選擇邊個呢？