早前雙十一嘅網絡銷售額又破紀錄，真係估唔到內地嘅購買力竟然可以高到呢個程度！雖然內地嘅購買力好似好勁，但整體嚟講仍然下滑。日本市場方面，佢哋嘅消費環境唔係咁好，難怪有風俗店提早以感謝祭嘅名義推出減價優惠嚟吸客。
內地一啲大城市中嘅城中村，往往被色情服務業者視為開竇嘅好地方，除咗因為城中村人口流動量大，加上管理一般都比較粗疏關係，村內嘅出租屋因而成為開設色情竇口嘅好選擇。另一方面，雖然根據內地法律，出租屋業主有責任落實租客居住登記申報，但一直以嚟冇乜業主會理，加上色情業者往往樂於畀多啲租當掩口費，業主更係隻眼開隻眼閉。不過早前深圳龍崗區橫崗嘅一宗賣淫嫖娼案件，卻令一眾出租屋業主響起警號。話說當地警方查封一間打住美容美髮旗號，卻涉嫌進行色情服務嘅出租屋單位，警方拘捕店內8位涉嫌賣淫同嫖娼男女，更對出租屋石姓男業主提出控告，理由係佢並無履行治安管理責任。以前遇到呢啲情況，業主通常話唔知道就可以甩身。不過今次卻唔同，石姓業主最終被處以停止出租整棟出租屋3個月嘅罰則，明顯有關當局真係想落實，業主有責任管理好出租事務。
「雞王」呢個詞語真係好耐都冇聽過。點解無喇喇會提起雞王呢？皆因有台灣色情業界「西部雞王」之稱、今年28歲吳姓男子喺早前落網。吳男一直以嚟從事安排外國妓女嘅「生意」，做法係先喺台中市租一間公寓作為據點，然後僱用28歲錢姓男子、28歲黃姓同簡姓女子，以及23歲俄羅斯籍史姓留學生，組成跨國色情媒介集團，並透過網絡社交平台，招攬台灣、日本、南韓、新加坡、俄羅斯等地，有意到台灣賣淫嘅女子，數量更係相當龐大。至於呢批妓女會供應到基隆至屏東一帶嘅色情場所，由於佢哋嘅營業範圍相當廣闊，加上囡囡數量夠多，故此被台灣色情業界稱佢做「西部雞王」！對於旗下員工，呢位雞王不但採取獎金制，亦一啲都唔孤寒，如果員工當月業績超過6萬元新台幣（約15,000港元），即可抽佣2成。如果達18萬元新台幣（約45,000港元）以上，更可抽佣4成，難怪據聞佢旗下員工每日收入高達近萬元新台幣啦！
雖然按照日本嘅消費傳統，每年1月到2月期間先至係零售業嘅減價季節，但對日本風俗業嚟講，每年年底先至係衝擊消費嘅高峰期。以前風俗店12月先會開始舉行減價酬賓，只係今年卻提早咗一個月，唔少風俗店都係11月開始進行減價活動。以往佢哋以「割引」（即係打折）作招徠，今年卻有啲特別，以「乜乜周年祭」作為包裝。唔好以為呢啲乜乜物物祭，減價只係有減等於冇減，實情真係減得幾多o架！位於千葉縣嘅出張風素人俗店「Hip's」，早前就舉辦「一周年感謝祭」，以慶祝開業一周年。為咗慶祝周年紀念，佢哋推出超特惠嘅90分鐘13,000日圓（約949港元），相對原價18,000日圓（約1,314港元），即係平咗好多，更唔係限定指名某幾位風俗孃，先至可以享有呢個特惠價，而係任何一位風俗孃都可以享受特價套餐。據日本玩家指，呢個折扣幅度並唔係最大，有部分舉辦周年祭嘅風俗店，折扣率更高達6折添！不過有明眼嘅玩家就指，「Hip's」其實係喺去年7月開業，按道理應該早喺7月就應該搞周年祭，佢等到今個月先至推出特價服務，好明顯只係為咗推動消費。
撰文：魂