為做脫星隨時連命都冇？唔係講笑，喺美國四仔界打滾半年多嘅巴基斯坦脫星Nadia Ali收到死亡恐嚇，揚言禁止阿妹回國，仲話若然再見到佢演出會攞佢命，雖然當事人把口話唔驚，仲表示愈要禁止愈要企硬，但巴打就替阿妹擔心囉！
搵食艱難，試問巴打點估到脫星拍四仔除咗要擔心「世紀絕症」，亦因為宗教問題要顧及個人安危呢？現年24歲，於巴基斯坦出生嘅Nadia Ali入行一年未夠，初出道時拍咗輯全裸寫真，因而激起同鄉嘅憤怒，但阿妹冇退縮，好快就落場砌。喺網上有留言話罷睇阿妹嘅演出已經叫溫和，有人仲話要用盡一切方法阻止阿妹回國，但Nadia一於少理，愈多人抨擊，佢愈接受傳媒訪問，當接受網站「Refinery29」訪問時，佢自爆收到死亡恐嚇，同時佢將社交網如Facebook、Twitter、IG等全部停用，查實Nadia都咪話唔驚驚囉！傳媒當然唔會放過抽水機會，形容Nadia係解放女性嘅「民族英雌」，但同時話佢太過踩界，應專心做脫星，唔應該加插太多個人情緒對外批評宗教，但阿妹認為使命感令佢要企出嚟，佢仲理直氣壯表示色情片唔係病毒，家人都知道佢做脫星，雖然冇支持，但同時冇反對，阿妹認為咁就係最好！
受到恐嚇，究竟Nadia應該繼續定暫避？呢個問題留番當事人決定，但當傳媒問到做脫星有否影響家人呢？Nadia妹就顯得非常迴避，佢冇正面回答有冇家人喺巴基斯坦，只係話當地人唔歡迎佢回國，但即使唔認同都唔應該仇恨佢咁話。而傳媒似乎抽水多過關心阿妹嘅安危，喺敏感時刻不停訪問Nadia。早前Adult DVD Talk就訪問阿妹知唔知係乜嘢辣（慶）同鄉，阿妹直認不諱係接拍Madison夫妻檔片廠Porn Fidelity嗰套《Women Of The Middle East》，呢部四仔由阿妹擔正，同Ryan Madison砌到天昏地暗，最大鑊係阿妹件「戰衣」，好難唔撻着同鄉嘅神經！
講到尾恐嚇就點都唔啱，但原來Nadia唔係第一個，喺2014年底，美籍黎巴嫩裔脫星Mia Khalifa投身脫星界，結果引起中東網友不滿，更揚言要攞佢命，但係阿妹今日仲喺四仔界打滾，更成為PornHub網站點擊率最多嘅脫星，都唔知係幫佢定害佢囉！
撰文：祖