家陣要吸引十八禁遊戲嘅玩家，為遊戲改番個惹人遐想嘅名字，可以話係踏出成功嘅第一步。呢隻由日本新進成人遊戲廠MONAKO推出嘅作品《主人，不要脫下我的女僕服》，單睇遊戲名都知道佢係以女僕為題材，而且估得到玩家呢次會化身成鹹濕男主人，然後同一眾女僕發生情慾關係。故事講述上流社會嘅富二代男主角六條藤湊，喺佢細個嘅時候跟另一豪門家族千金財前千夏訂下婚約，會喺佢21歲時完婚。不過兩家嘅家長擔心從未有過性經驗嘅湊，婚後未能令千夏過着性福美滿嘅生活，於是派出女僕提升湊嘅性知識及實戰經驗。由於湊自小已服從家族決定，故對於如此荒唐嘅決定不以為意。不過千夏卻唔係咁睇，因為佢唔可以放任湊同一眾女僕曳曳，所以提出讓自己擔任湊嘅特訓對象。