唔少人以為日本成人漫畫家都係男性，其實當中亦有女性漫畫家存在，更有唔少獲得極高人氣，久遠道義就係其中一位。呢位擅長將浪漫愛情同情慾場面融合嘅女性漫畫家，擁有高質畫功和創作能力，令佢嘅作品深受成漫迷歡迎，呢本《秘密孕婦裝》正係佢嘅代表作之一。
大家見到久遠道義呢個名字，大多數人都以為佢係男性，其實佢嘅真身係一位出生於日本千葉縣嘅女性漫畫家。佢早喺求學時期已夢想成為一位漫畫家，並積極參與漫畫社團活動，更曾經將自己嘅作品投稿到漫畫出版社。可惜當時嘅畫作並未獲得賞識，令佢有一段時間遠離漫畫創作。
及至2000年初，佢對漫畫嘅熱誠再次湧現，不但得到《新戀愛白書》嘅漫畫家玉越博幸賞識，聘請佢擔任漫畫助手，同時開始活躍於漫畫同人界。2004年佢以筆名「Meromero子」推出首個成人單元漫畫，同年推出首本成人漫畫單行本《禁斷愛的世界》，成功將少女漫畫嘅浪漫愛情元素，糅合情慾劇情當中，加上清新嘅畫功，令佢人氣火速飆升。
喺2006年9月推出嘅第二本成漫單行本《LOVE SIZE》，引嚟極大回響，被譽為當時最清新嘅成人漫畫。同年佢跟稱為「腐男子」嘅老公結婚後，糅合夫姓變成家陣嘅筆名久遠道義，並先後推出《妄想狂熱》、《桃色韻律》、《絕對後宮》、《秘密孕婦裝》、《極選巨乳娘DX》等多套人氣成漫單行本。現時佢連載中嘅成人漫畫《HUNDRED GAME》亦獲得極高人氣。相對於婚前嘅作品，現時漫畫多咗一種男女情愛嘅描寫，亦令佢嘅成人漫畫更具深度。
《秘密孕婦裝》收錄咗《姬與修一》、《與姬開始的七天》、《與姬的苦難》、《姬的肚子與胸部》、《與姬的選擇》、《姬與修一與…》及附錄《姬與純白婚紗》，合共7個圍繞主角中野修一同神樂坂姬嘅情慾故事。另外仲有講述失憶錯愛嘅《還記得我的身體嗎？》及女僕與落難少爺情慾關係嘅《律與晃的帝王學》兩個愛情小品。
講到書中最具代表性嘅故事，必然係主題作品《秘密孕婦裝》，話說修一同小姬拍拖不到一個月，有日小姬提議修一去佢屋企坐吓，並順便介紹佢嘅父母畀修一認識。首次去到小姬屋企嘅修一，冇諗過小姬竟然係大型企業社長嘅千金，而修一「平民」嘅身份曝光後，被小姬嘅父親敵視。面對小姬父親嘅反對，修一亦唔知點算嘅時候，小姬突然爆出一句：「我已經有咗修一嘅骨肉。」
呢句說話不但對小姬父親係晴天霹靂，更令修一不知所措。因為兩個人只係拍拖一個月，仲要拖過一次手咁大把。小姬父親聞言只好勉為其難，提出兩點要求：第一，修一以後對小姬要貼貼服服；第二，修一唔可以有嘢隱瞞佢。修一聞言只好答應，只係佢同小姬從未發生過關係，咁點樣先至可以令小姬懷孕呢？呢個時候小姬悄悄喺修一耳邊講：「以後我哋要努力喇！」從呢一刻開始，修一只要有時間就瘋狂同小姬曳曳，務求喺限期前弄假成真，而一段超瘋狂、超肉慾同時又愛意滿溢嘅婚姻生活就咁開始。
漫畫名稱：《秘密孕婦裝》
作者：久遠道義
出版：竹書房
頁數：214頁
撰文：魂