呢期夜場新聞最特別嘅一單，就係日本有間風俗店，竟然有古早味嘅「釜風呂」浸。如果有去過日本嘅風呂旅館嘅話，都應該試過呢種釜風呂，只係唔講唔知，原來釜風呂竟然係日本浸浴風俗店嘅傳統浸浴方法，真係估佢唔到！
有以前經常北上玩樂嘅前輩話，如果冇頭緒去邊度搵女，或者想知道邊度有新場開張，最方便嘅方法就係搵的士司機幫手。箇中理由除咗因為佢哋經常喺市內活動外，更因為佢哋好多時可以同夜場分佣關係，所以相當樂於幫夜場介紹生意。不過時至今日，想知道邊度玩又有乜嘢辦法呢？話說廣西欽州靈山縣就有間賓館，當中有位姓蘇嘅前台女接待員，就利用返夜班嘅便利條件，幫入住嘅玩家提供囡囡上門服務，而每次成事嘅話，佢都能夠從囡囡身上獲得30元人民幣介紹費。據稱佢呢種特殊身份，早已被唔少玩家知悉，甚至吸引唔少人慕名而嚟，而每次蘇女收到「柯打」，就會直接打電話畀囡囡，並且提供玩家房號等資料。交易完成後，囡囡就會畀介紹費蘇女。不過上得山多終遇虎，冇耐前佢被警方一次突擊行動中，以涉嫌賣淫罪拘捕。
喺台灣從事色情服務，不但係一種違法嘅行為，喺唔少人眼中亦係一種唔道德嘅交易，但唔道德還唔道德，唔道德唔代表冇道德囉！早前台灣高雄市鳳山區，當地警方接獲舉報後採取行動，突擊檢查轄區內一間淫竇，結果當場逮捕兩對喺房間內，正準備進行性交易嘅男女，同時又將52歲女負責人李姓女子，以及喺門口拉客嘅年約20歲嘅女子帶返警署。點知經過調查後發現，原來李姓女負責人同門口拉客嘅女子，竟然係母女關係！據李女稱，由於佢個女冇嘢做，加上想淫竇嘅生意好啲關係，眼見個女外形相當唔錯，故此便安排佢個女喺門口做拉客。玩家見到年輕貌美嘅拉客小姐，都會以為竇內嘅囡囡質素唔錯，因此令生意提升唔少。其實從事呢種色情商業行為已經唔係咁正確，仲要安排埋個女入嚟做。縱然唔係做囡囡，但對佢嘅影響都唔係咁好，真係唔係好明呢位媽媽諗乜嘢。
如果有去過日本浸溫泉嘅話，有機會體驗過佢哋相當有特色嘅「釜風呂」，而所謂釜風呂顧名思義，溫泉水會載喺一個巨型嘅金屬鍋之中，然後客人可以喺鍋中慢慢浸。不過釜風呂同風俗業有乜嘢關係呢？原來喺東京吉原，有間叫做「吉原三浦屋」洗浴風俗店，就提供咗呢種相當傳統嘅浸浴方式畀玩家，而有唔少玩家試完之後，激讚佢好有昔日江戶嘅古早味。早喺日本江戶時代開始，吉原已經係風俗業嘅集中地，當中嘅洗浴風俗店亦有提供呢種傳統嘅釜風呂浸浴服務。不過隨住時代嘅變遷，有得浸呢種風呂嘅風俗店愈嚟愈少。難得呢間風俗店仲保留呢種古早風味，自然吸引唔少玩家捧場，最重要係入浴費加指名費，玩足80分鐘都只不過係10,000日圓（約780港元），真係相當吸引。雖然呢種玩法吸引，但玩家要留意去之前記得要預約，因為提供釜風呂嘅房間並唔多，到時去到要排隊就無謂。
撰文：魂