讀萬卷書不如行萬里路，其實家陣書本五花八門、資訊豐富，足不出戶，閉門享受閱讀樂趣亦一樣可以大開眼界。好似今日介紹一本以愉虐為題材嘅情色工具書，睇完保證大家覺得當中嘅玩意新奇又刺激，突破自己嘅情色界限！而由渡邊麻友演出最新嘅寫真集亦挑戰出道以來嘅性感極限，大家記住捧場喇！
師傅成日都教我，做人墨守成規、固步自封，係唔會有所進步，會畀社會淘汰。所以一向聽話嘅徒弟仔我成日都接觸新事物拓闊自己嘅眼光，追住新出嘅鹹碟同水着寫真集嚟睇，最近有一本值得睇嘅寫真集，演出嘅女主角就係超人氣日本美少女團體AKB48 Team B嘅王牌成員渡邊麻友喇！
今年22歲嘅麻友氣質迷人，純真得嚟帶點優雅，靚女得嚟又充滿青春魅力，難怪被AKB48製作人秋元康稱讚佢為「正統派偶像的美少女」以及有「天生的偶像」之稱。麻友出道以來人氣如日中天，不過呢位妹妹仔唔會局限自己，喺最新個人寫真集《知らないうちに》當中嚟個大突破！阿妹遠赴美國洛杉磯取景拍攝，以當地獨特嘅風貌作背景別有風味，而最吸引係麻友獻出出道以來最寶貴嘅第一次，換上內衣賣弄性感，一洗過去嘅純真風格，表演出充滿成熟風韻嘅一面！當中有唔少場面，麻友會露出股溝以及白滑玉背，最激都係今次喇！
書名：《知らないうちに》
售價：約HK$140
不論係有固定性伴侶定老夫老妻，男人喺床上總會有「交功課」嘅一日，之不過講到尾都係要落手落腳做嘅！咁喺唔享受嘅狀態下，點樣可以令到女伴欲仙欲死呢？當然唔係靠三腳貓功夫，其實一切都有法可依，你先要花些少時間了解一下大部分女性嘅生理同心理構造，如果你明白女人無時無刻都感性行先，其實佢哋喺床上亦係一樣，所以男人遇到女伴有需要時，千祈唔好用理性角度批判或意圖說服佢哋，不如乖乖哋上床餵飽佢先慢慢講啦！
《Make Her Scream: Last Longer, Come Harder, And Be The Best She's Ever Had》睇書名明明係教你如何令女伴高潮更長更High，其實睇深啲你就明白呢本書係為有困擾嘅男人所寫，一切從性角度出發，無任何愛情可言，即是話如果你連女伴都冇，純粹約炮嘅話，佢都幫到手o架！講番「交功課」先，呢本書一嚟就教你點樣隨時進入狀態，保持堅挺，最好方法就係幻想，例如幻想你最愛嘅AV女優，想食又食唔到嘅女同事等等，思想出軌無所謂，最重要埋門一刻抬得起頭。其次係教你7個女人最易獲得高潮嘅體位，之後醒你床上對答技巧，喺乜嘢時候問女伴問題，營造猛男形象。若然你係後門同好者，書中亦會教你喺乜嘢狀態下誘導女伴走後門，以及如何令女伴主動要玩性玩具，皆因男人都知，震蛋喺手好過做男優，快則幾十秒，慢則兩三分鐘，只要你從旁協助，高潮話嚟就嚟啦！
書名：《Make Her Scream: Last Longer, Come Harder, And Be The Best She's Ever Had》
售價：約HK$66
對唔少人嚟講愉虐係禁忌嘅名稱，其實愉虐世界係咪殘暴同變態嘅代名詞呢？想窺探更多呢個世界嘅話，不妨參考呢本號稱華人第一本愉虐指南式著作，由性學博士許佑生所撰寫嘅《SM愛愛》。作者認為如果覺得性愛變得平淡時，不妨喺當中加啲調味、加啲刺激，故此佢設計出所謂嘅「閨房SM」。為解除一般人對愉虐嘅誤解同疑慮，佢喺書中所介紹嘅都係屬於輕量級嘅玩法，既有助激化熱情，卻又唔同帶有過多「黑暗」元素，並且附上作者多年嚟所收集同探訪嘅個案，透過佢哋嘅經歷，等讀者能更深入了解愉虐世界。當然，作為一本初學者指南，書中唔少得介紹各種愉虐技巧同玩法，不但可以勾起大家躍躍欲試嘅衝動，同時又可以等大家玩得更安心同安全，最重要就係全書以中文書寫，配合大量圖片，大家自然更易閱讀。
書名：《SM愛愛》
售價：約HK$113
撰文：賢、魂、祖