學我偶像尹光話齋，溝女豐儉由人，有錢就溝天鵝肉，冇錢就溝豬腩肉，其實參加日本寫真偶像嘅攝影會同樣可以豐儉由人，因應自己嘅能力去消費，將會喺10月23日舉行嘅攝影會就可以咁樣玩，而演出嘅寫真偶像係麻倉麻莉奈。今年24歲嘅麻莉奈，據聞係現役大學生，為咗賺取學費至兼職拍水着寫真。其實大家都應該感激阿妹咁等錢使，如果唔係咁我哋就欣賞唔到佢副好身材喇！麻莉奈胴體玲瓏浮凸，身上肉地結實而富彈性，上圍一對純天然F奶更係堅挺又彈手！
當日嘅攝影會有6節，每節時間為1小時，當中第1、3、5節屬於個人攝影會，收費為每人12,000日圓（約900港元），至於第2、4、6節就係每節招呼6人嘅團體攝影會，收費每人6,000日圓（約447港元），如果你手頭鬆動又想一個人獨佔麻莉奈一個鐘，當然揀前者啦！唔怕同其他龍友逼又想慳錢，後者就最啱！想知道詳情就Click上網(目及)(目及)啦！
網址：https://tokyolily.jp/satsuei_event/detail.php?category_id=345
撰文：賢