以前內地嘅邪骨場為咗吸引玩家嘅目光同提升新鮮感，會為一啲情慾服務進行文字包裝，好似空中飛人、鯉魚吸睛等等。原來唔單止內地係咁，日本嘅風俗店亦會用呢種方法，等玩家入閘前產生無限聯想，好似最近出現嘅「金尻自慢」，大家估唔估到係玩咩呢？
最近內地法制部門就禁止喺公共場所安裝閉路電視進行公開諮詢，當中所講嘅公共場所包括旅館客房、宿舍、公共浴室等涉及私隱嘅場所，唔可以安裝帶有視頻同音頻採集功能嘅鏡頭。呢個道理大家都明白，因為對旅館住客嚟講，房間屬私人地方，私隱梗係唔可以畀人睇到。不過有部分旅館業者卻覺得，呢種情況對佢哋嚟講未必有保障，理由係佢哋好難發現住客喺房間內有不法行為，例如嫖娼同吸毒，如果佢哋唔適時發現嘅話，隨時會惹禍上身。不過呢個規定對暗地裏提供色情服務嘅桑拿嚟講影響會更加大，因為桑拿房間內嘅動靜，隨時同佢哋嘅「收入」同營運有直接關係。如果唔能夠監控房間嘅話，未免對佢哋太過冇保障。
俗語常話道高一尺，魔高一丈，但喺呢件事中卻恰好相反。話說台灣高雄市仁武區內，有一間屢次被有關方面查獲，以美容坊作為掩飾嘅色情場所。由於呢間色情美容坊經營者有多次被查封經驗關係，為咗保障場所安全性，呢次佢哋絕對做足工夫，先喺店門口同店內安裝多組閉路電視，並喺包廂同櫃枱設有多個監控屏幕，大門長期上鎖以過濾上門玩家，嚴格採用熟客制，加上隱蔽嘅走鬼後門，保安工夫前所未有咁周密，為咗唔好嚇親玩家，佢哋對熟客提供免費半套服務。轄區警方雖然又再收到線報，只係眼見保安齊全仍唔敢輕舉妄動，結果埋伏到早前一晚嘅9點幾，見到有玩家入店後冇耐，店員開門出嚟燒街衣，隨即採取行動衝門而入，成功喺房內捉到正向玩家提供半套服務嘅梅姓越南籍女子，所以話做足工夫都冇用，始終會百密一疏。
日文有時真係幾得意，雖然佢哋偶爾用上漢字，但係睇完都唔知係乜嘢意思，好似日本有風俗店以「金尻自慢」作為賣點，吸引玩家捧場，呢四個字大家又知唔知佢係乜嘢意思呢？所謂「金尻」，即係外籍風俗孃嘅臀部，而「自慢」則係有引以為傲嘅意思，兩者加埋一齊，即係店內嘅外籍風俗孃個個都擁有令男士興奮無比嘅美股。原來呢間位於東京池袋，名為「金尻」嘅外國女郎風俗店，一直都以外籍風俗孃作招徠，為咗突出囡囡嘅火辣身材，精選旗下擁有美股嘅風俗孃列入「金尻自慢」系列中，等好此道者能夠揀選心頭好。為咗令玩家更能體驗當中嘅樂趣，但凡揀選呢個系列風俗孃嘅玩家，都可以喺素股磨面、素股磨槍同素股按摩之中，免費揀選兩項服務。不過對於股迷嚟講，縱然要畀多一項錢，玩齊呢三項服務又有乜所謂呢？
撰文：魂