成日話女人易變心，其實玩家咪係一樣，呢頭話鍾意成熟囡囡，貪佢哋有女人味又有情趣，嗰頭又話鍾意後生女嘅青春魅力，所以話囡囡嘅種類愈多愈好，好似日本風俗店就真係選擇多喇，只係講到重口味，又點及得上台灣嘅耆英囡囡咁出人意表。
夜遊前輩教落，同囡囡共處千祈唔好心急，先談心調吓情，咁先至有情調，跟住再入正題就正到爆。不過隨住即食文化興起，唔好話玩家唔會花時間同囡囡溝通，囡囡亦為咗快啲完事，懶得同客人吹水。之但係玩家嘅要求高咗，部分夜場亦要求囡囡唔好心急催玩家入正題，要同玩家傾多幾句，咁至可以畀到玩家賓至如歸嘅親切感。問題係要囡囡同玩家溝通唔係個個都得，於是有夜場為囡囡設定一本「調情手冊」，教佢哋點樣同玩家打開話題，以及應對玩家嘅刁鑽問題。咪以為呢本手冊冇料到，係由夜場中嘅文化人士喺唔同嘅社交書籍中收錄要點而成，有一定嘅參考價值。
去玩搵邊種年紀嘅囡囡最過癮？相信絕大部分嘅男人都會選擇青春少女，一定唔會係重熟女，即係阿婆級嘅熟透囡囡。不過凡事都有例外，好似日本AV耆英級女優作品亦有唔少捧場客。而早前喺台灣高雄楠梓區一次警方掃黃行動中，喺一間色情養生館發現有提供色情服務，不過最令警方感到意外嘅係，服侍客人嘅女郎竟然係一位年屆60歲嘅婆婆，相當重口味！而斷到正嘅婆婆就話自己乜都冇做過，於是警方喺現場拎咗一條用過嘅毛巾進行化驗，結果證據確鑿。話說回來，究竟邊啲玩家對呢類囡囡有興趣呢？
如果喺其他地方見到標榜女大學生嘅夜場，一定會覺得佢哋係冒牌居多，但喺日本風俗店就唔同，大部分都係真嘅！點解？因為日本大學學費昂貴，又冇獎學金，唔少女大學生惟有到風俗店兼職賺取學費；另一方面，亦有唔少主打「現役女子大生」嘅風俗店，不過正如先前所講，風俗孃係咪堅女大學生先，故此口碑相當重要，呢間位於東京池袋嘅風俗店「現役女子大生Collection」就係其中之一。為咗標榜店內風俗孃女大學生身份，不但以暗語寫出該風俗孃就讀大學名字，例如都內某大學、東○醫科齒科大學、東○大學等等。另外，仲寫埋嗰位女大學生讀緊乜嘢學系，從理工學部、教育學部到法學部都有，種類真係夠晒多！
撰文：魂