想知道自己溝緊嘅女仔是否床上好對手，專家話可以從對方身上發現有冇四個「特質」。職業無分貴賤，不過最近就有個調查顯示三種職業嘅女性，喺男人眼中最多艷福。同女仔約會談心，最緊要係彼此坐得近一啲，注視對方嘅眼神，點解眼神交流咁緊要呢？一陣就話畀大家知。
身邊好多朋友都知道，小弟最近迷上咗一個女仔，此女身家豐厚、學歷高，樣貌標致又斯文，簡直就係我夢寐以求嘅女神。為咗將佢溝到手，早前搵咗個精通面相學嘅師傅睇一睇女神張相，了解其性格特質，結果師傅就話呢個女仔要求好高，外表斯文卻慾火旺盛！嘩！咁就好喇！我幾驚呢個女仔唔鍾意上床呀！不過，單憑師傅一面之詞，我心入面仲有少少疑惑喎！如果大家都有呢方面嘅顧慮，唔使驚！最近英國新聞網站Daily Star Online請來兩性關係專家Katy Horwood講解一下，從女仔嘅四種特質睇得出是否床上好對手。首先係個女仔對自己嘅身材有自信，因為咁先會大膽又放膽同你肉帛相見，盡情咁喺床上纏綿。其次係女仔夠大食，因為食色性也，專家話女仔好胃口亦代表對性有同樣大嘅需要。第三係容易出汗，咁代表女仔身體夠活力，容易熱暖起嚟，一經撻着就會變身床上猛獸。第四係成日嘴郁郁，專家話多數女仔想起性事都會諗起錫錫，個嘴咁係郁亦多數係因為「好想要」，上到床會主動為對方進行口舌前戲。
不同職業有不同嘅工作環境，亦會有不同嘅所見所聞，好似我哋做記者咁，成日冇時停，需要四出採訪搵料。好多朋友話，小弟每日四圍去，見到咁多人，何故家陣仲係單身，要做一條溝唔到女嘅可憐蟲呢？小弟我一向都係工作還工作，溝女歸溝女，當我認真工作嘅時候又點會有心情去溝女呢？話時話，邊種職業比較多艷福，性生活最多姿多采呢？最近，日本網站「Menjoy !」訪問咗500位日本成年男性，問吓佢哋覺得邊一種職業嘅女性最淫亂，結果排第三位係空姐，原因係好多男人都鍾意空姐，多人溝而令佢哋上床對手及次數愈來愈多都唔出奇。第二位係護士，有受訪者認為護士喺工作上面對住好多傷痛，需要從性得到歡樂嚟平衡身心。至於第一位嘅職業係服裝店售貨員，受訪者覺得佢哋個個都係愛好玩樂嘅後生女，工作時遇到不同嘅男性，故係最亂性嘅職業喎！睇嚟呢三個職業嘅女性認真要諗吓點樣將呢個負面形象改變一下先得喇。
同人傾偈，最怕就係對方唔專心，同時怕對方雙眼望咗去第二邊，咁樣會令我唔知道對方聽唔聽唔到我嘅金句、名言，浪費晒我嘅口水。其實，溝女亦都一樣，個女仔唔專心望實你雙眼，只係顧住望自己部手機的話，咁就注定冇運行喇。不過，情況有時卻係相反，有好多男人唔知係怕醜定係怕自己雙眼殺氣太重嚇親對方，同女仔食飯嘅時候唔好好把握機會用眼神攻勢冧暈對方，其實咁做絕對錯晒！早前，日本名古屋大學同生理學研究所進行過一個研究，發現男女溝通，眼神交流佔有重要地位。研究人員搵來一對男女，再用功能性磁振造影監測佢哋嘅大腦皮層活躍度，發現佢哋互相凝視嘅時候愈長，大腦皮層活躍度愈高。研究員表示，男女喺呢個狀態之下，感情交流會順利流暢得多，亦更容易對對方產生好感，咁大家溝女嘅時候記住記住望實對方雙眼喇！
撰文：賢