日本寫真女郎嘅攝影會有平有貴，要平嘅可以揀團體攝影會，之但係就要同10個或以上嘅龍友一齊影，同時女優未必跟足你嘅要求擺出性感姿勢，仲分分鐘同其他龍友因為爭位而發生爭執。畀得起錢嘅就可以參加個人攝影會，價錢係貴啲，但係就可以同女優一對一拍攝過足癮。如果想參加一個價錢平，但係唔會有咁多人嘅攝影會又有冇計呢？梗係有啦！喺9月25日舉行嘅朝比奈祐未團體攝影會就符合晒平靚正條件啦！朝比奈祐未係近期遊戲展以及Cosplay界嘅新貴，最拿手扮演漫畫《海賊王》入面嘅角色，由於阿妹靚女又有對F奶，其性感Cosplay演出夠晒吸睛。