據說食生蠔有助性功效，原來生果當中嘅西瓜一樣可以增強男士嘅雄風。近年日本生育率長期處於低水平，最近有一個調查顯示當地嘅處男處女比率上升。早前日本AV界出現大風暴搞到唔少作品要下架，最近輪到寫真界，到底發生咩事呢？
農業科技進步，令好多以往嘅時令食物都唔再係季節限定，就以西瓜為例，以往通常係夏天當造，不過家陣就一年四季都可以食到又甜又多汁嘅西瓜！而我哋男士更加要感謝努力種植西瓜嘅瓜農，讓我哋幾時都可以食到西瓜，同時增強雄風添！咩話？西瓜消暑就聽過啫！乜食西瓜有助性功效咩？根據一個意大利嘅研究顯示，西瓜當中嘅瓜氨酸有助血管放鬆及膨脹，令男士們嘅命根兒容易充血，自然硬朗起來啦！而研究亦發現加熱後嘅西瓜所含嘅瓜氨酸比新鮮嘅西瓜多出6成，所以建議男士們不妨將西瓜肉搗爛之後加熱，再倒入玻璃器皿冷藏，亦可以加幾滴檸檬汁調味。至於係咪有效，就要試過至知喇！
小弟去日本旅行都喜歡揀偏遠嘅地區，而非旅遊熱點，因為最怕人多及喧鬧！不過，以後去日本都會去人多嘅地方，因為最近一個日本嘅調查發現，當地單身男女多，處男處女仲好多！國立社會保障人口問題研究每5年就會發表一次調查報告，當中一項調查就同男女嘅單身比例以及性經驗有關。最近，報告其中一個結果就顯示2015年嘅未婚處男處女比例，發現19至34歲嘅未婚處男有42%，比上次2010年嘅調查結果高出接近5%。至於19至34歲嘅未婚處女則佔44.2%，高過2010年嘅調查結果接近6%。35至39歲嘅未婚處女亦佔33.4%，高過上次調查嘅25.5%。睇完呢個調查結果，就知道當地嘅處女比率增加，去到日本幾大都要去人煙稠密嘅地方碰吓運氣啦！
有留意開日本寫真界嘅朋友，相信都會發現演出寫真作品嘅女優年齡層相當闊，四五十歲嘅又有，年紀小至十歲八歲嘅都有。老實講，見到班可愛嘅小妹妹演出寫真作品，的確令小弟大感憂心，令人懷疑會唔會觸及道德底線。不過，以後類似嘅作品好有可能唔會出現喇！早前一個叫Human Right Now嘅組織發表一份有關兒童色情嘅調查報告書，指出日本有好多寫真映像作品懷疑違反兒童色情禁止法，更指相關作品喺日本最大型嘅AV銷售網站DMM亦有出售。DMM收到消息之後，急急發表聲明表示會真心接受呢份報告書，仲話會停止銷售由未滿18歲少女演出嘅映像作品，同時亦希望業界有更健全、更健康嘅發展。難得DMM咁認真又快捷處理事件，抵讚！
撰文：賢