以前玩家發現有好嘢玩，都會周圍同人分享，皆因獨樂樂不如眾樂樂，人多啲自然好玩啲。不過時移勢逆，如果個場太旺、太張揚，反而會增加被掃場嘅風險，玩家亦會被牽連其中，呢個問題真係好矛盾呀！
有資深玩家分享以往喺內地曳曳嘅驚險經歷，指有晚佢去到一間邪骨場幫襯時，突然經理衝入房叫佢同囡囡千祈唔好出聲，並且留喺間房內唔好出嚟，皆因有關當局進行突擊檢查，結果佢同技師匿喺房度成粒鐘，最後喺經理帶領下偷偷地從後樓梯逃離現場。相信呢啲事件唔少人都聽過，只係事至今日，啲經理真係睬你都傻！話說甘肅安寧區嘅執法部門，早前喺轄區內針對網吧、酒吧、KTV等娛樂場所展開檢查行動，有娛樂場所人員見狀拿拿臨拉閘走人，咁店內嘅客人呢？唔好意思，由於佢哋太過匆忙關係，嚟唔切通知客人，結果滯留喺店內。據知呢啲娛樂場所係無牌經營，唔怪得啲職員咁驚青要走佬啦！
唔知大家有冇諗過，外籍人士去風俗場所玩樂，佢哋嘅價錢係咪同當地人一樣呢？按道理係一樣價錢，只係道理並唔係咁講。就以台灣為例，部分色情半套及全套店，佢哋視外籍玩家為水魚，會額外收貴佢哋兩成至四成不等，有啲甚至會收貴一半價錢。話說早前高雄苓雅區警方，多次收到線報轄區內有美容會館提供半套及全套性服務，經過秘密搜證後採取掃黃行動，結果喺二樓包廂中，查獲正進行半套交易嘅一對男女，同時又發現有兩位分別28歲及33歲嘅菲律賓籍男子，原來店員收取佢哋2,000元新台幣（約500港元）提供半套服務，但原來當地玩家只需畀1,600元新台幣（約400港元）就可以享受同樣服務。不過講真就算玩家知道自己畀貴咗價錢，可以向邊方面投訴吖！
呢個世界唔會有最誇，只會有更誇，好似早前報道過日本嘅胖妹風俗孃有相當大嘅市場，更有唔少主打豐滿風俗孃嘅風俗店出現。不過對於鍾情豐滿身形嘅玩家嚟講，呢種玩法已經唔夠新鮮感，難怪新宿有胖孃風俗店將服務升級，一個胖孃唔夠，實行打孖上陣，等玩家盡情享受被肥肉環抱嘅滋味！呢間位於新宿叫「棉花糖」嘅風俗店，可以話係東京首屈一指嘅胖孃風俗店，事關佢主打BBW（Big Beauty Woman），風俗孃個個身形都有番咁上下噸位，但係五官標致，上圍更係重量Cup。為咗令玩家享受肉體橫陳嘅體驗，店方最近推出打孖上服務，以70分鐘20,000日圓（約1,520港元）嘅特惠價錢，吸引好此道客人一嘗箇中滋味。有試過嘅玩家表示，畀胖孃包圍嘅感覺好療愈，但係最好有個大浴室，否則迫爆浴缸。
撰文：魂