男士們「埋身肉搏」超過30分鐘就可以攞「床上運動」金牌？據英國媒體報道，綜合美國、加拿大及意大利性治療師、心理學家、醫護人員稱，原來現實中「埋牙」時間7至13分鐘係普遍人做到，假如10至30分鐘，甚或超過1小時對正常人簡直係妄想喎！嘩！咁男優金槍不倒又如何練成呢？不如睇吓四仔男優點講啦！
是次調查冇詳細交代被訪者年齡、國籍以及性經驗等資料，目的旨在消除現代男女對性愛幻想，同時接受現實，睇怕好多人都諗，乜可以唔接受咩？但有點安慰係專家研究指出，大部分人由前奏到交合過程中，最短僅33秒，最長達44分鐘，而「肉搏」時間平均為5.4分鐘，同幻想30分鐘相差甚遠，即係話你超過呢個時間已經可以大聲同伴侶講威過好多人囉！另外專家仲提供「專業建議」，教男人延長肉搏時間，但坦白講你我他都識，就係避免長時間摩擦肉棒，以及經常轉換體位減少敏感度，咁就係最有效「持久」方法喎，專家意見果然專業，唔該晒！
巴打唔使灰住，以上嘅30分鐘，純粹計算「進出」時間，並唔計算你床邊傾偈、愛撫前奏，因此連爆半粒鐘莫講話普通人，即使係專業男優都好難做到，有留意四仔新聞都知，四仔男優「做極唔射」實情係靠剪接，好似四仔傳奇男優Ron Jeremy不下十次喺訪問中表示，四仔等同電影，純粹娛樂，滿足性幻想就算，認真你便輸了！仲有男神James Deen亦唔介意踢爆「四仔神話」，表示觀眾睇到嘅精彩場面，首先係靠鏡頭就位，其次係靠後期剪接，完全係拍攝角度及靠快鏡令過程更緊湊，至於嗰啲臨場連硬「兩粒鐘」傳說，根本係吹水！
連四仔男優都話難，咁女人又點睇呢？出名敢言嘅脫星Ask Stoya喺雜誌個人專欄大爆「四仔謬誤」，阿姐劈頭一句就話鹹網及四仔完全改變現實性關係，而男優之所以咁「持久」絕非天然，主要靠食壯陽藥，其次係溝通同訓練，正常人要分清，四仔係演出而非做愛，男女演員事前會溝通好，按劇本演出，但始終係身體接觸，過程必會出現性興奮，因此男優平日要了解自己敏感度及控制「發射」時間，又因為女性都會亢奮，絕大部分高潮都係真實反應，只係呻吟聲浮誇啲取悅觀眾啫！另一位喺網上解答大眾對業界疑問嘅英國脫星Siri就清楚表明男優每日閒閒哋砌十鑊，性愛已變得麻木呀！
撰文：祖