一代新人葬舊人，又有云薑愈老愈辣，到底新好定舊好呢？小弟就話新同舊都各擅勝場，好似日本寫真界嘅女優咁，新人青春俏麗，而舊人則韻味濃郁，而且身材Keep得好Fit，魅力驚人！今日一於請新紮波后葉月彩同地位超然嘅經典水着天后熊田曜子比併一下啦！
日本寫真界新人輩出，個人認為近年彈起嘅新人平均質素比以前更高，美貌過人又好身材，佢哋嘅身材仲唔係一般嘅好，而係巨乳驕人，加上生得細細粒，唔似得以往老一輩嘅巨乳尤物咁，係就係胸大，但係身形同樣係大大件。至於喺芸芸極具潛力嘅寫真界新星當中，小弟覺得葉月彩相當有前途喇！25歲嘅彩妹一副瓜子口面，五官標致，眼神精靈兼帶神采，雖然生得細粒，只得5呎高，但係胸前有一對36H脹卜卜大肉球，外形美觀又彈力十足，簡直係絕世好波，彩妹亦憑此而贏得選美活動《日本Telegenic 2014》冠軍寶座。
如果大家想感受彩妹嘅冠軍實力及巨乳魅力，佢最新寫真映像作品《彩、色とりどり》絕對係不二之選！彩妹喺作品當中打扮性感，酥胸半露勁騷驕人身材，仲會去到海灘又跑又跳，玩埋碌地沙，搞到雙峰沾滿泥沙，返到室內梗係要沖個涼啦！彩妹出浴時故作媚態，用雙手喺濕潤嘅豐乳美臀上捽完又捽，唔得喇！我想要幾張紙巾呀！
《彩、色とりどり》
收錄時間：90分鐘
售價：約HK$315
「姑娘十八一支花，女人三十爛茶渣。」喺今時今日呢句說話就唔多啱喇，唔係話十八歲嘅女仔唔靚，而係年過三十嘅女士依然貌美如花，美艷動人，即使三十過外已為人母亦一樣可以索到爆，唔信？熊田曜子就擺在大家眼前喇！今年34歲嘅熊田曜子為上兩代日本寫真界女王，相信好多年過四五十歲嘅港男都聽過佢嘅大名，亦睇過曜子姐嘅寫真。想當年，曜子憑住一對堅挺F奶以及迷人纖腰成功上位，加上舉手投足都散發出攝人神韻，令男士冧到暈。2012年曜子嫁為人婦，之後生咗個女，上年再誕下一名女兒。
曜子雖然生咗兩件，但係最近已經成功收身，大家可以睇吓曜子最新嘅寫真映像作品《rebirth》，見證一下呢位最強辣媽有幾索！當中曜子換上性感比堅尼喺戶外同陽光玩遊戲，嘩！不得了！曜子嘅身材同以前一樣咁婀娜迷人，腰間出現肌肉感之餘，上圍唔知係咪因為生產過後嘅關係，比以前大咗兩Cup！仲有佢面上韻味濃郁，演出時一顰一笑嘅表情十分迷人，女王實力冇退步，反而更上一層樓呀！
《rebirth》
收錄時間：83分鐘
售價：約HK$315
撰文：賢