學生喺考試之前都希望老師可以放吓水，透露少少貼士畀佢哋考番個好成績。而踢場友誼波見到對手實力強勁，落場亦希望對手放水，輸都唔好輸得咁肉酸啦！放水行為實在難得，遇到的話真係要好好珍惜喇！既然係咁，即將喺9月24日上演嘅團體攝影會，大家真係唔好錯過，因為演出嘅齊藤夢愛近期幾乎絕迹於寫真界，鮮有換上水着作公開演出呀！28歲嘅齊藤夢愛嬌俏可人，青春氣息濃厚，加上一副小巧而婀娜嘅E Cup靚偈，令佢喺寫真界名成利就。近年齊藤夢愛成功加入電視界同電台搵食，做電台節目主持亦做演員，演出過嘅劇集包括《探偵學園Q》以及《LOVE理論》等，故喺寫真界嘅演出愈來愈少，近一年多來甚至冇再拍過泳裝寫真，今次夢愛難得開團體攝影會，換上泳裝畀大家影到飽。當日攝影會分為6節，每節招呼8位龍友及影足1小時，每位收費7,000日圓，約為530蚊港紙，價錢咁吸引，而且夢愛又咁耐冇作泳裝演出，點都要支持一下啦！快啲上網睇睇詳情啦！