男人都希望自己擁有超人嘅性能力同持久力，不過有調查顯示前戲同抽送夾埋只需要20分鐘就可以滿足到女性。好多人對舊情人念念不忘，有專家教大家翻撻前度秘技。
男仔最鍾意玩射擊遊戲，如果夠眼明手快，就會被人稱讚為快槍手。之不過，喺床上畀伴侶話係「快槍手」就弊家伙喇！話時話，咁要做幾耐先可以滿足到女伴呢？早前外國進行一項相關調查，訪問咗474位來自英國、美國、西班牙、
荷蘭及土耳其嘅成年男士，發現佢哋由開始抽送到發射大約為4至11分鐘，如果喺呢個時間之內一般都唔算係快槍手。不過，根據《性研究期刊》嘅研究分析，女性認為最理想嘅交歡時間約為20分鐘，當中前戲佔11至13分鐘，交合則佔7至8分鐘。另外，一位叫Tom Brett嘅博士表示，如果男士覺得自己欠缺持久力，可以喺交合期感覺到就快洩射嘅時候抽出命根，用手輕輕按壓棒頭20至30秒，有助減輕洩射感覺。佢又話緊張嘅心情會引致早洩，宜同女方多溝通，以輕鬆嘅心情交歡亦有助延長交合時間。
如果對舊情人念念不忘，想食回頭草，究竟點先可以增加翻撻成功率再續前緣呢？小弟早前喺一個日本兩性關係網站搵到專家提供嘅「手機聊天程式翻撻大法」，希望可以幫到大家。首先，喺分手約三個月之後先好同對方聯絡，因為咁樣先夠時間洗去被對方認為係不合適對象嘅印象。如果分手多年，咁就可以先Send一篇短文畀佢，內容最好係合乎對方嘅喜好，至於「Hi！我哋好耐無見喇！近期點樣呀？」呢類訊息千祈唔好Send畀對方，因為咁做擺明係家陣冇女友想翻撻對方，所謂送到上門就唔矜貴，仲畀對方睇住你嚟食，注定失敗收場啦！做晒上述兩個方法之後，最好喺兩三日之內相約對方見面，唔好畀對方考慮得太耐以免夜長夢多。
撰文：賢