曾幾何時東莞有「中國性都」之稱，好多有一定資歷嘅玩家都會對東莞唔少地方相當熟悉，好似常平、橫瀝、虎門、長安等等，只係經過有關當局大力掃蕩後，家陣已經變得水盡鵝飛。
自從2014年起，內地警方針對色情場所大力掃蕩，更以「停業整頓六個月」嘅罰則，令唔少夜場變相收檔，甚至牽連到官場人士，從呢個時候開始唔少人氣夜場都銷聲匿迹。時隔一段日子，有啲地方開始暗中湧動，亦有啲地方仍然被大力掃蕩。據報道指，自今年6月22日至8月15日期間，東莞市公安機關檢查歌舞娛樂場共12,327間，而水療、足沐、髮廊等場所共24,917間，出租屋共134,180間、旅館有17,560間。睇嚟掃蕩成績唔錯，事實上亦真係少咗好多色情場所，只係係咪真係冇晒呢？睇嚟仲要花多啲時間處理。
對好多人嚟講，以為去夜場尋歡都係喺夜晚活動，其實對於玩家嚟講，洩慾又點會限於夜晚時段呢？只要有精力，幾時都係尋開心嘅時刻。台灣嘅午飯時段係唔少玩家熱衷時分，除咗午飯時間有空暇外，最近因為有在職OL加入色情服務行列，引起玩家嘅性趣。話說早前高雄楠梓區有巡警發現，有位身穿短裙嘅OL喺午飯時間，接連進出兩間汽車旅館，於是埋伏等候，一個鐘後嗰位OL步出旅館，同時一名男士準備駕車離開，呢個時候警員立即採取行動，男女雙方坦承剛才喺旅館有全套性交易，而服務費用為3,000台幣（約750港元）。該名OL為劉姓30歲女子，佢表示性交易工作時間具彈性，收入又高，故此甘願鋌而走險。
唔少人都選擇去老字號舖頭買嘢，因為係信心嘅保證。而日本有唔少老字號風俗店，好似呢間位於涉谷嘅「S.R.C.」係區內數一數二嘅老店，雖然佢開業至今不過係15年，時間唔算太長，但須知道日本風俗業競爭激烈，加上好多因素要經常遷店，能夠喺一個地方經營多年，兼且吸引玩家捧場，絕對唔容易。咁呢間店嘅賣點係乜呢？就係風俗孃質素夠高，大家都知風俗孃流動量大，因而令質素參差，為咗保持囡囡質素，呢間店安排風俗孃彈性上班及更高比例嘅提成，以吸引高質素囡囡入行。同時為保持服務質素，佢哋會提供技術訓練，開設研習班畀囡囡學習，難怪令客人咁滿意啦！
撰文：魂