好多人都有飼養寵物嘅習慣，不過有調查顯示養貓人士比較容易出軌。幾乎每個國家嘅政治體制當中都有分黨分派，而派別之間會有對立情況出現，最近有調查研究邊一派性福更高。港男多喜愛日本女仔，睇完一個日本現代女仔胸部尺寸研究之後，相信大家對日本妹更加鍾情。
小弟一直都好想養貓，相信係小時候受到《加菲貓》、《佻皮扮嘢貓》等動畫所影響。當然，近年世界各地都吹起一股貓貓熱，日本更出現貓咪經濟學說，令小弟更加想養貓喇！不過，睇完網站IllicitEncounters.com最近一個調查結果之後，令小弟養貓嘅念頭減弱，更未必會再對有養貓嘅女仔產生興趣！網站透過網上問卷訪問咗700名有養寵物嘅出軌男女，以了解一下佢哋鍾意飼養咩寵物。調查結果發現，貓奴出軌數目最多，有25%，其次係養寵物鼠，有16%，至於養兔仔同爬蟲類嘅有10%，反而養狗嘅佔少數。專家話養狗嘅人士生理較為健康，心態亦較開心，想法亦比較正面，生活得滿足自然唔會做出軌嘅事，對伴侶更忠誠。
近年香港出現好多政治紛爭，搞到社會出現唔少不安寧嘅情況，相信好多港人對此感受煩厭。其實，唔啱就坐低講到啱，使乜搞咁多抗爭，影響到老百姓嘅生活又阻礙到政府正常運作呢！之不過話分兩頭，有光就有影，有人支持就自然有人反對，咁先至係我哋香港應該保留亦應該珍惜嘅自由嘛！唔通成個社會都做晒順民好咩？最近有一個關於政治以及性福嘅調查，睇吓喺歐洲不同國家嘅右派同左派，其性福程度有冇高低之分。調查訪問咗19,000個成年男女，佢哋分別來自德國、法國、英國、瑞典及丹麥。調查負責人睇完結果之後，就特別點出德國嘅結果，皆因德國新一屆大選已經進入倒數階段，負責人表示德國嘅右派有77%認為自己嘅性生活相當愉快，而左派則有71%。其他歐洲國家亦同德國情況類同，右派性福比左派為高，至於原因係乜，負責人就冇解釋喎。
早十幾廿年前，港男喜歡北上玩樂夜蒲，而佢亦對北方佳麗情有獨鍾，原因除咗係呢班北方美人騷味十足，而且上圍比港女為大。呢個說法係咪正確小弟唔知，但可以肯定嘅係家陣嘅日本女仔比以前更好波！最近日本有研究組織發表日女胸圍尺寸調查報告，發現同30年前所做嘅同類研究，尺寸大咗好多，80年代A Cup日女比率為58.6%，B Cup為25.2%，C Cup為11.7%，擁有E Cup嘅根本就唔存在。至於今時今日就唔同喇，A Cup女仔比率為5.3%，B Cup為20.5%，C Cup佔最多數，比率為26.3%，D Cup有24.1%，至於E Cup同F Cup嘅比率分別為16.2%以及6.2%。從結果當中可以睇到日本女仔嘅上圍愈來愈大，唔怪得喺寫真界同AV迷都可以見到大波新人湧現嘅情況啦！
撰文：賢