估唔到已屆熟女之齡嘅人妻AV女優原來可以咁妖艷迷人，而且充滿狂野活力呀！講緊嘅係一個熟女專屬活動，名為「真夏之夜之妖艷會」，出席嘅熟女系女優個個都身材火辣，氣質妖艷，流露嘅野性絕對唔會輸蝕畀一班後生女優，事不宜遲，即刻同大家睇吓佢哋有幾狂野先！
約10年前開始，日本AV界吹起一陣熟女風，當時有好多優質熟女投身AV拍攝行列，包括有紅到今時今日嘅肉感美熟女風間由美。有如此優質嘅美熟女，令當時一直只喜愛年輕美少女嘅我，都開始投向熟女們嘅懷抱。綜觀現今日本AV界，熟女風依然旺盛，更有唔少AV廠主打熟女片，最出名嘅當然係北都集團旗下嘅Maddona以及溜池滾球啦！另外，隸屬於妄想族嘅JET映像其作品亦相當有質素。除此之外，中型AV集團ORGA亦可以話係熟女AV嘅中流砥柱，而ORGA自2014年開始，每年都會舉辦「真夏之夜之妖艷會」，請來一眾頂級熟女同大家見面，以及展露熟女狂野一面。早前呢個妖艷會就假東京Kinema俱樂部舉行喇！當晚嘅女優陣容強勁，包括波多野結衣、大槻響、一条綺美香、白木優子、蓮實Kurea、北条麻妃、川上由、井上綾子、橫山玲子、成宮彩葉、春原未來以及希咲彩共12位囡囡，全部都係近期扮演熟女人妻角色嘅人氣女優。
妖艷會一開始，12位美熟女喺舞台上分兩邊坐低，先同台下200名粉絲打招呼，川上由表示上年因病未能夠出席妖艷會，搞到失落咗成年，今年能夠參加妖艷會除咗深感榮幸，更會落力演出唔會令大家失望。至於熟女界王牌北条麻妃最識冧粉絲，一上台就叫大家唔好錫住部相機，一定要影多啲相返屋企留念喎。癡女掌門人蓮實Kurea就話自己所屬嘅團體SEXY-J同ORGA素有邦交，成員亦多得ORGA長期關照，今次一定會施展渾身解數以報答ORGA嘅大恩大德，估唔到Kurea咁識飲水思源喎。女優們一人幾句講完一輪之後，一隊由老將組成嘅新組合急不及待出場表演，佢哋就係一条綺美香同埋白木優子喇！二人最近組成組合「Adult Expresso」，話要以熟女魅力令大家好似飲咗特濃咖啡一樣咁醒神。表演嘅時候，綺美香打扮成淑女，而優子則反串扮紳士，二人喺台上載歌載舞，跳得興起仲嘴對嘴，搞到觀眾們熱血沸騰！
大家見到一条綺美香活力十足，容光煥發，可能以為佢頂多40歲，但可以話畀大家知，綺美香喺4年前下海拍AV嘅時候，已經係48歲，即係話佢今年已經52歲。小弟一早就講過，年齡喺日本AV界唔係一個問題，52歲一樣可以好索好迷人，一条綺美香就係最佳例子啦！呢位老將上到台咁努力，其他女優又點可以輸呀！眾女優同台下班粉絲握手同合照之後，妖艷會嘅重頭戲終於上演，就係熟女天橋騷喇！12位熟女輪流喺台上搔首弄姿，再慢慢剝剩內衣褲，期間佢哋喪玩倒奶，甚至狂野到自摸起嚟，井上綾子、大槻響、成宮彩葉等摸得最High，睇到粉絲個個都興奮「雀」躍，冇後悔過畀錢入場。
撰文：賢