最近有套電影名為《點五步》，故事以棒球作為背景，相信大家睇完之後或多或少都會對棒球呢項運動增加唔少認識，甚至產生興趣。就算冇興趣都唔緊要，今日為大家推介一個製作用心又精緻嘅日本網頁遊戲畀大家，名為《AV Baseball》。
叫得做《AV Baseball》當然同AV有關啦！此遊戲搵來大量日本AV女優做代言人，如初美沙希、星野娜美等，玩法同一般網頁遊戲差不多，一隻滑鼠，一隻手指就可以搞掂晒！玩家主要扮演領隊角色，進行探索、訓練、編組隊員等一腳踢，帶領自組隊伍喺日本國內四出征戰棒球場，但係比賽以自動形式進行，玩家就冇辦法控制球員點樣打喇！雖然係咁，遊戲嘅樂趣其實在於發掘球員，而球員全部都係日本AV女優，發掘到佢哋之後可以將之編入球隊，分配到投手、擊球手等位置，仲可以進行訓練以及用道具強化能力。將女優細心培慾……應該係培育嘅同時，仲能夠同個別女優發展好感度，提升到某程度更加可以贏得女優嘅性感照，甚至係「衝擊影像」添！
而玩家加入遊戲可以贏得每日獎勵，包括遊戲積分以及強化道具禮物包。小弟覺得《AV Baseball》值得一玩之處在於登錄方便到極，只要有Twitter或者Facebook等社交網絡平台嘅帳戶就可以登入玩個夠，唔似其他日本網頁遊戲咁要經過多層繁複嘅登記步驟，仲要睇日文睇到一頭霧水，未登記完就已經想放棄！唔好講咁多，一於同班女優開波啦！
網址：http://www.dmm.co.jp/netgame_s/avbb/
撰文：賢