近期氣溫漸見下降，我就唔係咁鍾意喇！因為咁樣代表熱情如火嘅夏日即將過去，隨之而來就係一陣肅殺感覺，不禁令人產生多愁善感嘅秋天。為咗將夏日感覺帶畀大家，一於去睇睇呢個熱情火辣仲有大量索爆AV女優嘅燒烤會啦！
為咗表揚員工過去為公司作出嘅努力同貢獻，久不久都會搞吓活動或飲宴，請班員工玩一日及食番餐，好似日本AV事務所CLAP早前就舉行咗海邊BBQ，請旗下嘅專屬女優及職員一齊玩餐飽。至於CLAP又有咩專屬女優咁巴閉先？咁就勁喇！有小弟最愛嘅J奶AV女神Julia，仲有人妻系新貴安野由美、朝倉琴美、水野朝陽、雙葉雪名、伊東真緒、愛野桃奈、和泉潤、鶴田佳奈等，雖然佢哋未必個個都聲名大噪，但係家陣喺AV界都算係活躍分子，大家就算未睇過佢哋嘅演出，亦可能會見過佢哋嘅作品封套。由於今次海邊BBQ係CLAP公司「圍威喂」嘅活動，所以冇公開地點，但係從一眾女優上載於社交網嘅照片當中，可以知道當日班女優玩得好開心。
話明BBQ，咁就梗係有好多燒烤食物啦！有魚有肉有海鮮，見到一隻隻嘅海螺，實在令人流晒口水！而見到一大排腸仔，就知道班女優一定大飽口福，離開AV拍攝現場都可以滿足口舌之慾喇。不過，見唔到有女優充當「廚師」負責燒烤，只係得男職員操刀，莫非班女優個個都不諳廚藝？定係個個都咁「大支嘢」要人招呼呢？小弟就覺得應該係事務所錫住佢哋居多，皆因當日佢哋個個都換上比堅尼享受陽光與海灘，喺露出度咁高嘅狀態之下燒烤，好容易整親副偈o架嘛，話晒佢哋都係CLAP嘅生財工具，有損傷點搵錢呀！除咗燒烤之外，班女優仲好開心咁齊齊扑，扑咩呢？梗係日本人一到夏天就最鍾意玩嘅扑西瓜啦！女優們見到個西瓜畀佢哋用木刀扑到粉碎不知幾咁興奮，如果佢哋拍AV時又有木刀在手，班男優嘅後果認真不堪設想喇！
之但係唯獨朝倉琴美冇換比堅尼，唔通佢身體不適？定係嫌自己身材唔夠班姊妹咁激凸，無謂獻醜呢？統統都唔係，原來係琴美大頭蝦，出門唔記得帶套泳裝啫。據琴美表示，Julia知道佢冇泳衣，一心拎套後備泳衣畀佢，之不過，琴美嘅身材同Julia相差極大，最後都係無謂勉強，只好婉拒Julia嘅好意，索性專注燒烤好過喇。提到Julia，呢個天后好似唔多合群，好多團體相都唔見佢嘅身影，只係見到佢一個人去玩水，最多都係同琴美、安野由美合照咁大把，到底係Julia唔多Like今次嘅BBQ，定係自覺身份同地位都遠超其他女優而唔同佢哋玩呢？咁就得Julia自己至知喇。
撰文：賢