有人可以有性冇愛，亦有人接受有愛冇性，但係兩者並重唔係更好咩？有愛情嘅自可令性愛更加愉快，有性愛亦令兩人感情更加美滿。今日介紹畀大家嘅讀物當中，有超人氣AV女優三上悠亞嘅全裸寫真集，令人睇得興奮之餘，悠亞演出時會變身成大家嘅親密情人，睇落更感窩心。另外，亦有一本情色工具書介紹按摩調情大法，同情侶一齊研究，自可將性與愛水乳交融。
提到近期大熱嘅日本AV女優，一定非三上悠亞莫屬！悠亞俏麗迷人，標致美貌不論喺日本藝能界定AV界都能夠名列前茅，婀娜又豐滿誘人嘅身材更令人着迷！點解會提到藝能界呢？原因係三上悠亞轉型為AV女優之前，乃係日本藝能界超人氣美少女組合SKE48其中一員！悠亞正係帶住呢個SKE48光環加入AV界，並且作品銷量成績理想。除咗推出AV作品，三上悠亞近期亦推出第二本個人全裸寫真集，名為《Your Angel》，單睇書名已經足夠俘虜眾多粉絲嘅心！不過咁都未算，悠亞會去到東京、名古屋等大街小巷遊歷一番，給予大家一種出雙入對嘅戀愛感覺，回到室內，悠亞唔再矜持，將衣服除下，展露一副誘人身段。
書名：《Your Angel》
售價：約HK$290
自古以嚟性掌控住人類繁衍嘅重任，人們卻因為眾多唔同嘅原因，令性變成一種禁忌。台灣作家郭慶堂嘅著作《愛，要身體力行》破除大家過往種種忌諱，並以開放及新角度嚟重新認識呢種天生本能。畢業於台灣大學電機系，曾任電子公司廠長、電子技術雜誌專欄作家嘅郭慶堂，對於中醫知識同樣有着深厚認識，先後著有《不藥而癒》、《向疾病說不》、《現代養生管理》等書籍，今次佢從中醫學角度探究乜嘢叫完美嘅性愛，先從性反應及人體敏感帶講起，跟住述及西方壯陽藥嘅弊端，然後再從如何透過按摩調情、體位變化、交合秘訣等方法，達至高潮及具養生之道嘅性愛境界。此外，書中亦會談及各種性意外，例如馬上風、哮喘病發、腰痠背痛等急救方法，絕對有參詳嘅價值。
書名：《愛，要身體力行》
作者：郭慶堂
售價：約HK$55
我哋呢啲「貼地」又無品嘅男人，膚淺啲講，除咗索樣、大咪、靚籮、長腿外，仲有邊種女人會令男人無法抗拒呢？男人要知，女人更加要知，唔係點知身邊隻佬諗乜呀？如果你自認係一位有追求嘅女性，咁就要快啲睇呢本書《The 7 Irresistible Qualities Men Want In A Woman》，因為呢本書講嘅係高品味生活方式，第一樣要清楚嘅係如果你想吸引兼留住高品質男人，咁你必須了解男人想要乜嘢女人，如果唔「對位」，你為男人做乜都係無用。據本書講，男人普遍鍾意有獨立思考嘅女人，茶餘飯後可以同佢激烈辯論一番，但辯完又可以若無其事，輸咗唔會發老脾，呢吓已經難過登天啦！其次係性愛以外，女人要有其他嗜好或習慣令男人對你更感興趣，例如識打Golf、精通旅遊、紅酒文化等，嘩，簡直係天荒夜譚呀！做唔到係咪唔使再睇？咁又唔係噃，本書亦會教你如何勾引男人，使用「秘密武器」令對方每天愛你多一些！
書名：《The 7 Irresistible Qualities Men Want In A Woman》
售價： 約HK$78
撰文：賢、祖、魂