有人話人生離唔開食同繁衍後代，唔好覺得膚淺，事實上人生在世本來就離唔開呢兩樣嘢，前者唔做嘅話會餓死，後者唔做嘅話人類會絕種。既然兩者都咁重要，今次一於講吓跟食及Eat有關嘅情色詞語啦！
翻開英文辭典以為「Eating Out」係出去食飯？話明係情色俚語，梗係有更深層嘅意思，喺情色界中「Eating Out」解做男士為女士吹奏，亦即吹口琴咁解。例句：I want to eat you out.（我想同你吹口琴。）此外，佢仲有婚外性行為嘅意思，尤指背夫或背妻為人吹奏一曲。如果唔鍾意用「Eating Out」嘅話，「Eat Seafood」亦可解做吹口琴，之但係點解會同Seafood扯上關係，呢層就唔知點解，可能大家都有陣鮮味啩。話說回來，「Eat a Tuna Taco」相對嚟講就比較形象化啲，事關Taco即墨西哥夾餅，而佢嘅外形由於同女性重要部位相似，故因而得名。
Eat呢個英文字喺情色俚語中，經常同吹奏扯上關係，只係「Eating Steak」有啲特別，事關佢解做曳曳。不過曳曳有好多種，而佢則指手或出口術嘅曳曳，並唔包括挺槍直攻嘅真箇銷魂。例句：While you and your girlfriend are eating steak in the movies, I will wait outside.（當你同你女友睇電影時搞搞震，我將會喺外面等你哋。）講到吹奏，根據上世紀40年代推出嘅性研究名著《金賽報告》指出，有2.7%嘅男性聲稱曾成功為自己吹奏，只係報告同時又講，有26%嘅男性表示曾經嘗試過為自己吹奏但唔成功。
寶寶最苦嘅係乜嘢？咪就係老婆畀綠帽佢戴囉！戴綠帽者嘅英文，Cuckold是也。美國四仔中有個好特別嘅綠帽系列《Cum Eating Cuckolds》。呢個由美國小型四仔廠Kick Ass喺2007年推出嘅系列，本來只係諗住以古怪題材，吸引小眾四仔迷捧場。點知推出後，意外地受到四仔迷歡迎，尤其係去到第三集《Cum Eating Cuckolds 3》時，更喺2009年AVN頒獎禮中獲得最佳特殊題材四仔提名。及至今年5月，呢個系列已出到第26集，如此長青嘅系列作，對於一間小型四仔片廠嚟講相當少見。故事方面，其實嚟嚟去去差唔多，都係講一位索爆人妻因為老公床上弱爆，結果搭上性能力超凡嘅情夫，而老公見到情夫床上如此勇悍，決定跟埋老婆上床學嘢。
講到食嘢，一係識食，一係大食，而日本AV女優桃乃木香奈卻係集兩者於一身。呢位1996年12月24日出生，未夠20歲已擁有F罩杯巨乳，並喺2015年9月24日宣布成為AV女優團體「惠比壽★麝香葡萄」嘅一員，其後喺10月19日正式以AV片廠Ideapocket專屬女優身份登陸AV界。其實早喺佢大事宣傳前，曾以松嶋真麻之名短暫喺AV界亮相，只係當時嘅佢有啲肥，結果好快失咗蹤。成功收身後嘅佢重新出發，不但憑住苗條身材加巨乳而備受注目，更以大食成功突圍！鍾意食嘢嘅佢，除咗經常喺Twitter分享各種美食，更喺今年4月挑戰秋葉原拉麵店「春日亭」嘅限時大胃王比賽。按店家規定，參賽者需要喺30分鐘內食完3大碗拉麵，成功嘅話不但可獲得5,000日圓獎金，更可以喺店內拍照留念。結果，佢真係成功喺限時內食晒！
撰文：魂